Luke 24:51 - BII BILA

⁵¹ O lo o nda duaa dɔvɔɔ, mó sɛyan a nda, mó helnun o halataala.

Luke 24:51 Iomraidhean Croise

2Masaa 2:11

A lo kɔlan a sɔɛi lende, mí yinnden le fula, vanáà ca len ko aa ɲɛ ɲaanan soa nan-ndo ni. Mí soa leyinnda fula, má sɛi Elii nda Elise, mí Elii helnun coocoo o hoeyii felenfelennde nin.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Luke 24:50

O kon kɔɔli, mí Yeesu kɔa a nda ba Betani-o, mó heelu balan, mó dɔaw nda duaa.

Luke 24:52

Telen nda cii Yeesu biilu-o, má muungu Yerusalɛm a ɲaale bɛndoo.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Dɛnnda kiilaa 1:9

Mɛɛ Yeesu cii sɔɔn mun dimi, mó hel o halataala, kiilaa ndɔa va ndu tofaa. O kon kɔɔli, mí yumbuyumboo kumbu ndu, a ci lɛ ndu le.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.