Luke 24:44 - BII BILA

⁴⁴ O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Luke 24:44 Iomraidhean Croise

O Kandɔɔ 14:18

Mí Mɛlkisedɛk, masaa Salɛm, ó va vana-solia-lasálà Hala-Hiow-Ɲɔɔn-Kpow-vo-o hun a buloo a á mɔiyan.

O Kandɔɔ 22:18

Vanaa-mangalaa-isɔɔa súúlan kpow o ceendo coo a sɔlanin duaa cuavaa nɔmnda o ba bɛngu. Kani nɔm Abraham, a bii sɔɛi nii.»

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Condii lisai 118:22

Ya pow vanaa cɔavaa cɛiya viow-vo, i siŋnun pow kilaa cɛiyo.

Esai 28:16

Le hee, la tuei-yɔ sɔɛi Maalii Hala dimi-e: «Tofa vɔ, i tɔl powvo Siɔn le vaa pow kilaa cɛiyo, mí fula pow kalaa kɔɔli kɛ mí ca maa o nɔ isɔw le. Pow lebol kendu vɔngoo taw-vo o co ni, o co o tɔalaa ɲɛkɛndɛi, vana-vana tiindan pɛ pow kalaa, o yɔŋnun yoloma-yoloma mò sɔndan te.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Yeremi 33:14

Mí Mɛlɛka dimi aa: «Paale vanin mì peelu sɔɔn dɛnɛ kɛndɛn ya dimi le cɛi Israɛlla a cɛi Yudaa-on.

Esekiɛl 17:22

Nuaa Maalii Hala soo ni aa: «Ya Mɛlɛka, i cuanin lɛɛndei o lɛvii yɔm sɛɛdre hiow bandei-yo bollen, mì tɔl ndi lɛŋ. I kialunin tɛyii kɛndɛ-kɛndɛi o lɛvun yɔm kon bollen, mì ya pila kɔ tɔl ndi o pembii vilɛi-vilɛiye tullo.

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Sakari 14:4

Pelun ndɔn pilannin ɲinkon Pembii oliviei, i co Yerusalɛm o hɔl-ndɔ a ba paalen le can-ndo-e pɛɛn. Pembii oliviei ken tɛndanin tɛɛn kpala-kpala, kandɔɔ a ba paalen le can-ndo háá ba le del-lo, mì ból bɛndu-bɛndoo del o fonda kon. Pembei kpengei pilɛ nannunnin a ba luaŋ-ndo mì kpengei pilɛi nannun a ba too.

Sakari 6:12

A cii pɛ, a dimul ndu aa: Yaŋ-ndɔ nilan! Mɛlɛka-Nɔ-Kpaayaa-Kpow-vo dimi maa vanapɔnɔ nɔ diolan aa Vulɔɔ-o o labɛngunin ɲɔɔn kpow n vulnin ni. Ndu minginin cɛi biilaa Mɛlɛka-o tangul ni.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Kundalan 21:8

Mí Mɛlɛka mulul ndu aa: «Cua daɲɛi mà cɔw kɛwvo a ndi, mà landu kɛw kon o yɔm ipɛngɔɔ coo, mà heelu ndu coocoo. Vana-vana kɛwvo lɔva nin pɛ, mò heelu hɔlla mò tofa kɛw n cɔawnin kon-ndo, vana kon sɔla cindaa.»

Kundalan 35:25

A bɛnda mà baŋa ndu vana cɛn le màá mingio-o o ba, mà mingi ndu o kobi vana viannun nin-ndo nin, nɛɛ ndóò kɔ vionnun nin-nda. Vana sulalle fula kon o ba mó dii vanacieo-vo lonin o viannanndo o kobi vana viannun kon nin-ndo nin háá mì bolle vanaa-solia-lasálàà nda pɔla a cuɛima diandan-ndo vi.

Matie 1:22

Ken kpow tosan haliko mi sɔɛi Mɛlɛka ndóò dimi a sondo vana-tɛɛngaa-diom Hala-o-e peelun aa:

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Matie 26:54

Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Marke 9:31

Kani o va kaandeŋaa ndɔa pɛɛkoo mò va nda dimullo aa: «Po vanacieo malnunnin vannda o ba, mà dii ndu. Palɛi ndii yáá o kon kɔɔli, o tendulnin mò fula vanvílɛ́iya tɛɛn.»

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Luke 22:37

Kani i co niaa toɲaa dimul, o co o sɛvaa o Sɛbɛ Hala-o nin aa: ‹A cɔm ndu vanaa tosaa yɔŋ vɔɔnda coo›. Mɛɛ mì sɔɛi ken i peelun a ya o kɔɔ. Kani ɲɛ sɛvan a ya o kɔɔ-o co nin le peelɔnndo.»

Luke 24:46

Mó dimul nda aa: «Ɲɛ co o sɛvaa lenin-ndo co hoo ni aa: Krista co hunɔɔ sanga, mò tendul fulaa vanvílɛ́iya tɛɛn o paale yàándɔlen,

Luke 9:22

mó dimul nda vɛlɛ aa: «Mɛɛ mì Po vanacieo sanga taw, mì bɛndua lelɛŋnda, bolii vanaa-solia-lasálàá a vanaa pɛɛkaa latɔŋnda kɛɛ ndu, mò sɔla piɔ́mndo, mò tendu fulaa vanvílɛ́iya tɛɛn o paale yàándɔlen.»

Luke 9:44

«La yaŋ nilan ɲɛkɛndɛi o ɲɛ ya co niaa dimullo-o: A co hunɔɔ Po vanacieo malɔɔ vannda o ba.»

Nsaŋ 3:14

Mɛɛ Moise heelu kɛw idaɲaa o lɛŋnde veselɛilen nin yɛ, fɔ mì Po vanacieo sɔla heeloo lende,

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Nsaŋ 5:46

Kani te la laalan pɛ Moise, mɛɛ ya bɛɛ la laalannin ya, kani a ya o kɔɔ o sɛva ni.

Dɛnnda kiilaa 13:33

o cii ndu peelu le naa a mingi o mingi Yeesu yoomu fulaa vanvílɛ́iya tɛɛn-ndo, naa cuavaa ndaa imamaa pɛɛn, maa mɛɛ o co o sɛvaa o Sɛbɛ condii lisɛi nin bolle ndii ŋiin yɛ aa: ‹Nɔm co po nuu ni! Kandɔɔ hau, ya co fuɲa nɔm ni.›

Dɛnnda kiilaa 13:40

Lelan, la caa taw, yɔŋii ɲɛ vanaa-tɛɛngaa-diom Hala-a dimi a niaa o kɔɔ-o yɔŋnun niaa aa:

Dɛnnda kiilaa 2:27

Kani nɔm Mɛlɛka melnin ya kɔlan ciee-piɔ́m te, a cɛlnin mì ya vana baala nɔm n kɛsi landɔ-o tol o sɛiyo nin te.

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Hebreea 10:1

Vundule ɲɛm kɛndɛn co laci-on daama tɔŋndo co ni. O yeema mi sálàla pilɛlan la va solinndo vɔsi oo vɔsi, pɛngi ve le. Lelan o tiwba mì vanaa co sɔɔnguuo Hala ikɛi o nɛi kon coo-a a peelun te.

Hebreea 3:5

Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

Hebreea 7:1

Mɛlkisedɛk kon va masaa Salɛm ni, vana-solia-lasálà Hala-Hiow-Ɲɔɔn-Kpow-vo. Abraham va fulaa o cɔw o kɔ nɔla masaa-o, mí Mɛlkisedɛk kɔa ndu bɔŋa, mó dɔaw ndu duaa.

Hebreea 9:8

Mí Hala Kɔl-Diandaa cɔm o kon maa te fonda tase cɛi-kola kon co vɔ pɛ, mɛɛ nɛi kɔɛ o fonda diandaa-diandaa-o co vɔ o kumbiaa le.

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.