Luke 23:5 - BII BILA

⁵ Kɛ má baŋ kangalan aa: «O co keiyo vannda luɛyɔɔ nin a pɛɛkula ndɔlan. Kalile pɔ́ o kandu ni, mó kei o tàndá Yuda-o nin kpede, háá mó tiiya nanu.»

Luke 23:5 Iomraidhean Croise

Condii lisai 22:16

Yoomuma nian ma vesan maa bɔ́w, diɛɛmulen le vesa ya o sondo sɛ́ɛ́n, a handu ya o sɛiyo sondoo.

Condii lisai 57:4

O lonin o halataala, mó mala ya, mó lɔɔ vanaa co ya yɛlen tollo-a. Hala tuisilnin ya kaola ndɔɔ a sakpoyɛi ndɔɛi.

Condii lisai 69:4

I co sangaa yondaa le malaa sɔlaa, diomndo kandan ya kpiŋ, i co sangaa hɔlla keeliaa le Hala nuu nuwviaa.

Matie 11:1

Yeesu ciiyo kaandeŋaa ndɔa sɔɔn mun dimullo, mó faŋan le kɔlan vannda pɛɛkoo a sɔɛi Hala-e dimio o kobila va o tàndá kon nin-ndan nin.

Matie 2:1

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm,

Matie 27:24

Mí Pilate ca maa ndóò nɔla lɛ ɲɛ-ɲɛ tosa le, kani vannda va hiovɔɔ laci a vɔngaa. Mó kɔandu mɛnndan, mó pulu balan nda kpow o hɔl, mó dimi aa: «I nɔ laba o sɔɛi piɔ́m vana sandaa ho nin te. Niaa pila sɔɛi piɔ́m ndɔɔ co coo ni.»

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Marke 1:14

Mɛɛ nda bii Nsaŋ, mí Yeesu kɔannun Kalile. Mó va yondaa a Yoongu kɛndɛ Hala-o o kɔɔ,

Luke 11:53

Telen Yeesu faŋan o fonda kon-ndo, mí Faliisia a vanaa pɛɛkaa latɔŋnda simul ndu a ɲuuniaalan taw.

Luke 23:23

Kɛ má hiaw laci a yondiaa maa a baŋ ndu o yɔm singafilaa coo. Yondiala lan la va hiovɔɔ laci tuŋ.

Luke 23:6

Pilate tueyɔɔ lende, mó ɲuna le sinaa te Kalilenɔɔ Yeesu va ni.

Nsaŋ 1:43

Diimandɔɔ, mí Yeesu kialu le kɔlan Kalile, mó komal Filipe. Mí Yeesu dimul ndu aa: «Del-la kɔɔli.»

Nsaŋ 19:15

Kɛ má deŋi o lepilɔɔ aa: «Faŋa naa ndu o hɔl! Faŋa naa ndu o hɔl! Kɔ baŋ ndu o yɔm singafilaa coo.» Mí Pilate ɲuna nda aa: «Vɛ̀ɛ̀ mì baŋ masa niaa o yɔm singafilaa coo?» Mí bolii vanaa-solia-lasálàá muli aa: «Naa n nɔ masa celen o Sesar kɔɔli le.»

Nsaŋ 2:11

Dɛnɛ Yeesu tosa kon Kana o tàndá Kalile-o nin-ndo yɔŋnun kaamaa ndɔ tasoo ni. Mó cɔm biilu ndɔɔ, o kon mí kaandeŋaa ndɔa laalan ndu.

Nsaŋ 7:41

Mí a pum nda va dimio aa: «Krista co hoo ni.» Kɛ mí a tiŋ nda va dimio aa: «Mò va maa Kalile Krista fulanin ni?»

Nsaŋ 7:52

Má mulul ndu aa: «Mò va maa nɔm bɛɛ Kalile n fula ni? Yaasiaa ɲɛkɛndɛi, a canin maa vana-tɛɛngaa-diom Hala fula Kalile le.»

Dɛnnda kiilaa 10:37

La sinà ɲɛ yɔŋnun cɔnɔnndo Kalile, kɔ bii niko háá o tàndá Yuda-o nin kpow-vo, ɲɛ yɔŋnun telen Nsaŋ cii yinɔɔ o va vannda sɔɛi ndɔɛi dimullo-o-o.

Dɛnnda kiilaa 23:10

Mɛɛ sɛɛngianndo tuulu kpɛikpɛi, mí siòònde bii simlacinɔ simlacia vanaa cɔwva kɛmɛa yɔŋii vannda ndáà sɛɛsiaa Pol. Le hee, mó dimul vanaa cɔvaa ndɔa maa a luɛi sɛ́lɔ́ɔ́ tɛɛn, mà soli Pol a kpaayaa le ndu mingio o kpakio nin.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Dɛnnda kiilaa 7:54

Mɛɛ vanaa kialaa n'yamaa lelɛŋnda tuei diomndan ndan, mí ɲɔɔ pala nda taw, má va ciŋndon sɔmndo le ndu.

Dɛnnda kiilaa 7:57

O kon mí vannda kinda nilan, má yonda kpélén. Mí nda kpede a toal ndu coo,