Luke 23:4 - BII BILA

⁴ Mí Pilate dimul simlacia vanaa-solia-lasálàá a sɛ́lɛ́ va lon-ndo aa: «I ci isɔɔ oo isɔɔ langbanɔɔ ho tosa mì vana yaala ndu le.»

Luke 23:4 Iomraidhean Croise

Matie 27:19

Pilate lo icali o fonda kialaa n'yamaa, mí laa ndɔ viam kiilaa le ndu dimullo aa: «Vow balan o sɔɛi langbanɔ tɛɛmbuu hoo isɔɔ loo nin te, kani i sanga cɛi-cɔl taw o lɔma sɔlaan nin le ndu.»

Marke 15:14

Mí Pilate ɲuna nda aa: «Dɛnɛ vɔɔn yɛɛ o tosa yɛ?» Kɛ má cɔɔlu deŋi kpélén aa: «Baŋ ndu o yɔm singafilaa coo!»

Luke 23:22

Mí Pilate ɲuna nda vɛlɛ o bɛmbɛ yàándɔɔ aa: «Dɛnɛ vɔɔn yɛɛ langbanɔɔ ho tosa yɛ? Ya ya, i ci tɛɛmbuu kɛ́-kɛ̀ o bɛnda le piɔ́m sɔla le. Lelan, i co vannda vomɔɔ mà lɔɔ ndu, o kon mì mal ndu.»

Nsaŋ 18:38

Mí Pilate ɲuna ndu aa: «Yɛɛ co yɛ toɲaa?» Pilate ciiyo dimio lende, mó fula vɛlɛ o dio, mó komal Yuifia hin a Yeesu-a, mó dimul nda aa: «Ya i ci tɛɛmbuu oo tɛɛmbuu vana yaala langbanɔɔ ho le.

Dɛnnda kiilaa 25:25

Ya yɛ, i ci tɛɛmbuu kɛ́-kɛ̀ o bɛnda mò sɔla piɔ́mndo le. Kɛ le tùú ndu pila yeema le kɔlan o masa bɛndoo lo-o, mí ca maa o co fisa mò kɔɛ.

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

1Piɛr 2:22

Ndu tosa haki loo, ndu sɔɛi fula o sondo le vana hui loo,

1Piɛr 3:18

Kani, lepilɛ kpé Krista bɛɛ vi le hakilan ni. Ndu vana sandaa, mó vu le vanaa sendu le-a, le niaa yɔɔ o Hala lo. Ndóò vuo o falon nin, mí Kɔl-Diandaa mingi ndu yoomu.