Luke 22:70 - BII BILA

⁷⁰ O kon mí nda kpow a ɲuna ndu aa: «Mɛɛ nɔm co Po Hala-o ni?» Mó mulul nda aa: «Niaa pila cii dimi. Ndu ya co ni.»

Luke 22:70 Iomraidhean Croise

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

Condii lisai 2:7

I yondanin sɔɛi Mɛlɛka kelu-e kpélén. O dimul-la aa: «Nɔm co po nuu ni. Kandɔɔ hau, ya co fuɲa nɔm ni.

Matie 26:25

Mí Yuda va ndu malɔɔ vannda o ba-o cua sɔɛi, mó ɲuna aa: «Kɔɔfa, o co ya le le?» Mí Yeesu mulul ndu aa: «Nɔm pila cii dimi.»

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Matie 27:11

Má kɔa a Yeesu o Pilate, masa ibungaa lo, mó ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Matie 27:43

Hala o tiindan ni, te Hala yeema pɛ ndu, mɛɛ o baŋa vɔ ndu niko. Kani o dimi maa Po Hala-o o co ni.»

Matie 27:54

Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Matie 4:3

Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Marke 15:2

Mí Pilate ɲuna ndu aa: «Vɛ̀ɛ̀ nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Luke 22:71

O kon má dimi aa: «Seyaa yɛɛ naa n co yɛ vɛlɛ cum? Naa pila n tuei ɲɛ fula ndu o sondo-o.»

Luke 23:3

Mí Pilate ɲuna ndu aa: «Nɔm co masa Yuifia ni?» Mí Yeesu mulul ndu aa: «Nɔm pila cii dimi.»

Luke 4:41

Mí ɲinaa vɔɔnda bɛɛ va fulaa vanaa siama nin, ma va deŋio aa: «Po Hala-o n co ni!» O kon, mí Yeesu kpaa nda, o cɛl mà soo le, kani má sina maa Krista o co ni.

Nsaŋ 1:34

Ya yɛ, i ce mi timbi seilen maa ndu co Po Hala-o ni.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Nsaŋ 10:30

Naa Pua, ɲɔɔ ndu pilɛ kpé naa n co ni.»

Nsaŋ 10:36

Ya yɛ, Hala hɛli ya ni, mó cuu ya o ceendo coo. Le yɛɛ niaa co yɛ niko dimio maa i yei ndu Hala, kani i dimi maa ya co Po Hala-o ni?

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Nsaŋ 19:7

Mí Yuifia muli aa: «N nɔ tɔŋndo, o tɔŋ naa kon nin, o bɛnda mò sɔla piɔ́mndo, le siingɔn o siingun ndu pila Po Hala-o-o.»