Luke 22:42 - BII BILA

⁴² «Pua, taa cɛl pɛ, i kòl o taala kólaa sangaa ho nin te. Kɛ o va bɛɛ lende, hɛnan ni tosan te, kɛ o nɔm ndo tosan.»

Luke 22:42 Iomraidhean Croise

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

Esai 51:22

Nuaa Maalii nɔmndo, Mɛlɛka Hala nɔmndo, o co buŋnde lɔɔnɔnndo le vanaa ndɔa-o dimi ni aa: «Tofa vɔ, i cua taala kólaa hɔlaa hiŋaa nɔm o ba, ɲɛ co o taala kólaa kɔl ni tuwvo nin-ndo, a kol-lɛnin ndu le!

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Matie 11:26

A toɲa, Pua, i mel nɔm balika le tùú n cɛl mí i yɔŋnun lende-o.

Matie 20:22

Mí Yeesu mulul ndu aa: «La sínà ɲɛ niaa co piɛiyo-o le. La nɔla pá kolɔɔ a taala kólaa ya co kolɔ̀ɔ̀-o?» Má muli aa: «N nɔla!»

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Matie 26:44

Mí Yeesu faŋan nda vɛlɛ, mó kɔ piɛi Hala o yàándɔɔ, mó miinguu sɔɔn pilɛn mun.

Matie 6:10

Màá masale nɔmnden le hun! Màá hɛnan nɔmndo tosan o lɛŋnden coo, mɛɛ o co tosanndo o halataala yɛ!

Marke 14:36

Mó piɛi aa: «Aba, Pua, te o nɔla pɛ tosan, cɛl mì kol a taala kólaa imɔnɔɔ ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Luke 23:34

Mí Yeesu dimi aa: «Pua, mal nda haki, kani a sina ɲɛ nda co tosaa-o le.» O kon kɔɔli, má mal siondei le volɔɔla ndɔla cuɛinanndan piɔvanndo.

Nsaŋ 18:11

Mí Yeesu dimul Piɛr aa: «Mingi mɔɛi nɔmii cɔwve o boo ndɔɔ nin. Vɛ̀ɛ̀ ya kɛɛ yɛnin kolɔɔ o taala kólaa imɔnɔ Fuɲa nuu ke ya le kolɔɔ lenin-ndo nin?»

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Nsaŋ 5:30

Ya, i tiwbà ɲɛ-ɲɛ tosa a ba ni le, mɛɛ ya tuɛi yɛ, lende ya i kialu yamɛi ni. Nduyɛ yamɛi kɛ́-kɛ̀ ya i kelu pɛ, i sandu, kani o co hɛnan ni le ya co nuwviaa le, fɔ hɛnan vana vem ya-o.»

Nsaŋ 6:38

kani i fula o halataala mì toal le hɛnan ni tosa le, kɛ le hɛnan vana vem ya-o tosaa.

Dɛnnda kiilaa 21:14

Mɛɛ naa n bumba ndu, mí n mɛinun, mí n dimi aa: «Màá Mɛlɛka tosa hɛnan ndɔɔ!»