Luke 22:41 - BII BILA

⁴¹ O kon kɔɔli, mó faŋan nda ikɛi, mó kɔa ɲɛ-pɔmbɔ, mó baŋ vulan, mó piɛi Hala aa:

Luke 22:41 Iomraidhean Croise

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Marke 14:35

Mɛɛ o kɔɛ tiŋ laci, mó hini, mó kuumbuu hɔlla lɛŋ, mó piɛi Hala le mɛɛ telen kon ndóò hiaw ndu coo yɛ.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›

Dɛnnda kiilaa 20:36

Pol ciiyo sɔɔn mun dimio, mó baŋ vulan, má tosa piɛilen nda ndaa kpow.

Dɛnnda kiilaa 21:5

Kɛ palɛi ken hiovɔɔ, mí n bii nɛiyo le kɔlan. Mí nda kpow a liila naa, laandua ndaa a cuavaa ndaa, háá má soli naa o cieo kɔɔli. Mí n baŋ vulan o mɛmma ihɛllan kɔngɔ, mí n piɛi Hala.

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.