Luke 21:34 - BII BILA

³⁴ «La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Luke 21:34 Iomraidhean Croise

O Kandɔɔ 19:32

Lelan, n kɔ koesi ndu mɔiyan, mì n va a ndu, haliko mi n vilul ndu cuawva.»

O Kandɔɔ 19:35

Icɔl kon vɛlɛ, má koesi fuɲa nda mɔiyan. Mí cua ndɔ diinndɔɔ kɔ hinin ndu kɔɔli, mó va a ndu. Kɛ fuɲa ndɔ sina telen o hun hini-o le, o sina vɛlɛ telen o cɛn-ndo le.

O Kandɔɔ 27:14

Mí Yakɔb kɔa, mó kɔ bii cuinaa téndéa nda ŋiɔn, mó cuu kala ndɔ nda. Mí kala ndɔ yaw ɲɛdiaa yeelɛiyo a ɲɛmahilu kon mɛɛ Isaak ndóò yeema yɛ.

Condii lisai 35:8

Màá dɛnɛ palaa voolu nda! Màá nda pila haw o yaŋɔɔle nda handu len! Màá a deli o soon nda tow-vo nin mà tambu!

Talelan 21:4

Tofa heelanndo a kɔl yongaa sólì haki vanaa kɔlvesɛiya ceen ni.

Talelan 23:20

Del vanaa pum mɔiyan-nda a vanaa hiw vision dioo-a kɔɔli le,

Vana Kɔlkaloo 9:12

Handɔɔ o kon coo, vana-vana sina ɲɛ komalnin ndu-o le. Mɛɛ suwva haw o yalaa nin nuaa yɛ, mɛɛ yowva haw o yala n'yowvo nuaa yɛ, lende koni dɛnɛ palaa voolu vanndacieea o lepilɔɔ ni.

Esai 28:7

Kɛ nda bɛɛ laasian a mɔiyan kolɔɔ, mɔima nɛyaa-nɛyan ma co nda hɔlla hiŋndo. Kpòkóó dɛnɛ! Vanaa-solia-lasálàá a vanaa-tɛɛngaa-diom Hala-a co siɛɛliaa a mɔima kálà-kálàn o lahɔl tuŋ. Mɔiyan ma cii nda sɔɔsiaa kpede, mɔima nɛyaa-nɛyan ma cii nda mingi talaka-talaka. A co laasianndo o vunduan cɔu nin, a co kuuviaa o yaman kiolɔɔ nin.

Osee 4:11

Suunda a mɔiyan ma co vanaa nia bolle hiŋndo.

Tɔŋ lasálàá 10:9

«Te la va pɛ le luɛyɔɔ o cɛi-kola-toandaa-labɔɔŋianndo nin, nɔm a poaa nɔmnda, la bɛnda mì la kol mɔiyan te, nduyɛ la bɛnda mì la kol ɲɛ-ɲɛ hiŋ vana hɔlla le, yɔŋii niaa sɔla piɔ́mndo. Silaa co hoo le niaa pila a le cuavaa niaa imamaa le fɛɛn a fɛɛn ni.

Matie 13:22

Kulun deli o yɔɔn nin-ndon, mun co tɔɔmasele vana tuei sɔɛi Hala-e, kɛ mí buulannda ceenndan a yeemɛi bolofaa hialu fondaa ndu o kɔl kpede-o ni. O kon sɔɛi Hala-i co ndu o kɔl-le kum te.

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Marke 4:19

kɛ mì buulannda ceenndan, hɔlte bolofaa a yeemɛi bɛnduei ɲɛvi nda ndi o kɔl, i nɔla komɔɔ le-a ni.

Luke 10:41

Mí Yeesu mulul ndu aa: «Marte, Marte, a co buulanndo ma va lawvo le dɛnndan taw,

Luke 12:40

Niaa bɛɛ, la va a bɛɛndiannda, kani a telen niaa venin kɔl too Po vanacieo co hunɔɔ ni.»

Luke 17:3

La mandan a niaa pila. Te puapilɛ nɔmndo tosa pɛ dɛnɛ hakio a nɔm, a kpaandian ndu. Te o mangalan pɛ, a mal ndu haki.

Luke 21:35

Kani paalen le toalnin vanaa co o ceendo kpow coo-a coo mɛɛ visio haw o yaŋɔɔlen nuaa yɛ.

Luke 21:8

Mí Yeesu muli aa: «La mandan taw, yɔŋii niaa luɛi o pɔwlan nin. Kani vanaa bɔɔ-bɔɔ a hunnin o diola nilan, mà cɔm maa o diola nilan nda hin ni. À diminin aa: ‹Telenndo co nin le tiiya›. Kɛ la del nda kɔɔli le.

Luke 8:14

Yɛi del o yɔɔn nin-ndo, ndu co vanaa tuɛi sɔɛi Hala-e-a, kɛ mí buulanndan, yeemɛi bolofaa a yeemɛi ceende pia nda o lakɔl, a kum ndɛ komɔɔ kɛndɛ le-a ni.

1Korɛntea 5:11

Kɛ sunsun, vanaa ya dimi maa ɲɛ-ɲɛ va niaa tɛɛn te-a a co haa ni, vana-vana dimi pɛ maa puapilɛ niaa o co ni, kɛ mò va: vana sundaa, te kon te vana nɔ hɔlte ɲɛ-sɔlaa-o, te kon te vana soolaa n'piɔmndo, te kon te vana sondo kalaa, te kon te vana kolaa mamɔiyo, te kon te vuiyo. La dia bɛɛ niaa vana vaa lende le.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

Filipea 4:6

La buulan le ɲɛ-ɲɛ le, kɛ o dɛnɛ oo dɛnɛ nin, la cɔm Hala balahavɛila niaalan o piɛilen nin a o tɛɛlɔnndo nin a kɔl sinaa ikɛndɔɔ.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

Dɛnnda cɔɔmuanndan 3:3

Lelan loonun a pɛɛkula n sɔla lan a mɛɛ n tuei lan yɛ, bii lan mà mangalan. Taa mɛɛndian yɛ le, i hinulnin nɔm maa vui, mì voolu nɔm a telen n venin kɔl too.

1Samiɛl 25:36

Abikail muungoo o ndu lo, o komal Nabal bɛɛndiaa ɲɛdiaa sɔvɛɔ, mó tuisi kafoo, kafo lemasaa lekɛ́ndɛi kafo kon va ni. Laa ndɔ komal o pim mɔiyan pumndo pila, mó va a kɔlkɛndɛ bɛndoo. Háá mí paalen le sia Abikail nɔla ndu kona kɛ́-kɛ̀ downɔn te.