Luke 21:25 - BII BILA

²⁵ «Tɔɔmaselan la tosannin o paalen, o paangei a o loeon nin. O lɛŋnden coo, sanga bɛndoo toalnin vanaa-mangalaa-isɔɔa coo. À sinanin mɛɛ nda yɔŋnin a ɲɛ vuu bɛndu vanin cɔnɔnndo o mɛmma ihɛllan nin a o tindima mɛmma ihɛllan nin-ndo le.

Luke 21:25 Iomraidhean Croise

Condii lisai 46:3

Lelan, siòòŋii co naa a ɲɛ-ɲɛ le. Hali lɛŋnden le va bɛɛ ɲiiyaa, mì pembon va koombiaa o mɛmma ihɛllan tɛɛn,

Esai 13:10

Kani loeon a mɔmtombolaa co o halataala-o yɔngu lɛnin pangelela ndalan te. Paalen le piimiaanin telen le kandunin cɔnɔnndo-o, paangei bɛɛ, i ve lɛnin diondɔɔ le.

Esai 17:12

Má cè dɛnɛ palaa dɛ! Sɛ́lɛ́ bɛndu cuu cɔm too co vɔngaa! A co vɔngaa sɔkɔsɔkɔ mɛɛ mɛmma ihɛllan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ! Vanaa-mangalaa-isɔɔa co bɔɔluuo vɔkɔ-vɔkɔ! A co bɔɔluuo mɛɛ mɛmma co hiovɔɔ a yoomuan-ndan ma kuŋ nuaa yɛ.

Esai 24:23

Siɛmbulan la biinin paangei, paalen le tambunin labɛɛ, kani Mɛlɛka-Nɔ-Kpaayaa-Kpow-vo tosanin masalen o pembei Siɔn coo a o kobio Yerusalɛm coo. O tosanin mi biilu ndɔɔ va tengaa kaasoŋaa kɔlkalua ndɔa coo.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Esai 51:15

Ya co Mɛlɛka ni, Hala nɔmndo pɛɛn, ya hiiluu mɛmma ihɛllan ni, ya tosa ni mí mɛnndan ma kuŋ. Diola nilan aa Mɛlɛka-Nɔ-Kpaayaa-Kpow-vo.

Yeremi 4:23

Mí tofa lɛŋnden, mí ca len tulumasaa, le va fondo fúú. Mí tofa o halataala, ɲɛm ndɔn tengan ve lɛ le.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Matie 24:29

«Palɛi sanga bɛndui ken i hiow dɔ́ɔ́ pɛ, paalen le piimiaanin, paangei dindunin te, loeon fulanin coocoo mì n deli, mì kpaayala co o halataala lan la hiilun.

Matie 27:45

Kandɔɔ a paalen o pol háá tiiya a lɛɛlɛ yàándɔɔ a paale yɔngannden, mí ɲumma bɛnduan ma toal o lɛŋnden kpow coo.

Marke 13:24

«O palɛi ken nin, sanga bɛndu kon hiow pɛ, paalen le piimiaanin, paangei dindunin te,

Marke 13:26

O kon vannda canin Po vanacieo hunɔɔ o yumbuyumboo nin a kpaaya bɛndoo a á biiloo.

Marke 15:33

Paalen tiiyaa o pol, mí ɲumndan ma toal o lɛŋnden kpow coo, mí ma lo lende háá o lɛɛlɛ yàándɔɔ.

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Luke 21:26

Vanndacieea malnunnin kɔl a siòònde le ɲɛ co hunɔɔ tosan o lɛŋnden coo-o. Kani kpaayala co o halataala lan la hiilunnin.

Dɛnnda kiilaa 2:19

I tosanin dɛnnda kɔndɔfiltan coocoo o halataalaa nin, mì tosa tɔɔmaselelan o lɛŋnden coo nanu: koovan, yinnden a tindile ikumnden le vanin.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.