Luke 21:12 - BII BILA

¹² «Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Luke 21:12 Iomraidhean Croise

Matie 22:6

Mí vanaa tɔ̀a bii buɛyaa kan, má saangiaa nda, má diw nda.

Matie 24:8

Kɛ kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Luke 21:11

Lɛŋnden le ɲiiyanin taw, mì nààla halimaalan a yima fofolan ma luɛi o fondalan lapum. Dɛnnda kɔndɔfiltan a kaamaala bɛndulan la cɔmnunnin o halataala.»

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Dɛnnda kiilaa 22:30

Simlacinɔ vanaa cɔwva ndóò yeema mì ndóò sina le kɔlɔ kpeekpei Yuifia va Pol sɔɔn hɛɛnduuo coo-o. Lelan, diimandɔɔ, mó dimul vannda, má timbi ndu yɔlɔn. Mó veelu simlacia vanaa-solia-lasálàá a vanaa kialaa n'yamaa lelɛŋnda kpow, má bɔɔŋian. O kon kɔɔli, mó hun a Pol, mó simi ndu nda o hɔl.

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Dɛnnda kiilaa 8:3

Kɛ Sol ndu, ndóò yeema mì ndóò puusiaa vanaa Krista-aa. Mó va keiyo cɛilan nin vanaa laalannda biwvo, vanpiaandua a vanlaandua, mó va nda malɔɔ o kaasoo.

Dɛnnda kiilaa 9:4

Mí Sol del lɛŋ, mó tuɛi diomndo pum ndu dimullo aa: «Sol, Sol, le yɛɛ nɛ n co yɛ ya yɛlen tol-lo?»

1Piɛr 2:13

La tosa le Maalii, mì la tuisin simlacia co vanndacieea kpede tɛɛn-nda o labɛngunin, o va masa bɛndoo,

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.