Luke 21:1 - BII BILA

¹ Yeesu heeloo hɔlla, mó ca vanaa bolofaa fangadaamala ndalan vowvo nɛɛ kɛsiaa bolofaa o Cɛi-Hala-o nin.

Luke 21:1 Iomraidhean Croise

1Masaa 14:26

Mó cua bolofaa va o Cɛi-Mɛlɛka-o nin-ndo a o va o cɛi masaa nin-ndo. Mo cua ɲɛ-ɲɛ va lon kpow, mó cua kɔ̀ɔ̀la cɔwla n'sianila Salomɔn ndóò cɔw lan.

2Masaa 12:9

Mí vanaa-solia-lasálàá cɛlan maa a bii lɛnin n'voli vannda o laba le, o ve lɛnin vɛlɛ nda le vanin Cɛi-Hala-o mingio toosiaa le.

2Masaa 24:13

Mí Nebukanɛsar cua bolofaa va o Cɛi-Mɛlɛka-o nin a o cɛi lemasaa nin-ndo kpow, mó mulin mó pesipesi ɲɛm-laandun solia lasálàn n'sianin Salomɔn masaa Israɛl ndóò toosiaa, mí ndóò kɛsi o Cɛi-Mɛlɛka-o nin-ndon kpow mɛɛ Mɛlɛka ndóò dimi yɛ.

2Dɛnnda lemasalan 36:18

Mí Nebukanɛsar cua ɲɛm baalan va o Cɛi-Hala-o nin-ndon kpow: n'bɛndon, n'pɔmbɔn, mó cua bolofaa va o Cɛi-Mɛlɛka-o nin-ndo, ó va masaa a vanaa ndɔa kúndàá o ba-o, mó kɔannun a ndu kpow Babilɔn.

Nehemi 13:13

Mí hɛli vannda pum le hɔlten nɔu o cɛila lan coo. Vanaa kan va haa ni: Selemia vana-solia-lasálàá, Sadɔk vana sɛvaa latɔŋndo a Pedaya leviinɔ. Mí kɛsi Hanan, po Sakur-o, po imama Matania-o nda ikɛi. Kani vanaa vannda ndáà laalan-nda nda va ni. Baala ndaa va le ɲɛm-kéan piɔwvo puapilɛa ndaa tɛɛn ni.

Matie 27:6

Mí bolii vanaa-solia-lasálàá cɔwviaa volin mun, má dimi aa: «O bɛnda mì vana handu volion mun o ɲɛ-sɔlaa nda co hunɔɔ o Cɛi-Hala-o nin-ndo coo le, kani volin yɔngun le vanacieo diyɔɔ-on n co ni.»

Luke 20:47

Nda poondiàà ɲɔɔn vanlaandua piaandaa ndaa vi-a o ba ni, mà bɛndi piɛilen, haliko mi vannda ce maa a naŋ. Lelan, Yamɛi ndɛi kiandunin dɛ.»

Nsaŋ 8:20

Telen Yeesu va vannda pɛɛkoo o Cɛi-Hala-o nin-ndo o dimi sɔɔn mun ni, nɛɛ nda vow bolofaa-a. Vana-vana bii ndu le, kani telen ndɔɔ ndóò tiiya vɔ le.

Yosue 6:19

Volion, sianion, ɲɛm toosian a daɲan-ndon a n toosian a cilinndon-ndon kpow n siŋnunnin teengen le Mɛlɛka, mun luɛinin o bolofaa Mɛlɛka-o nin.»

Yosue 6:24

Má loam kobio a ɲɛm va lenin-ndon kpow, fɔ volion, sianion, ɲɛm toosian a daɲan-ndon a n nda toosiaa a cilinndon-ndon-ndon nda mɛi le kɛsio o bolofaa va o Cɛi-Mɛlɛka-o nin-ndo coo ni.