Luke 20:6 - BII BILA

⁶ Kɛ te n muli vɛlɛ pɛ aa: ‹Vanndacieea vem ndu ni›, vannda kpow a co naa vii a powtan, kani a sina maa vana-tɛɛngaa-diom Hala-o Nsaŋ yɔŋnun ni.»

Luke 20:6 Iomraidhean Croise

Matie 11:9

Yɛɛ niáà kɔɛ yɛ niko tofaa? Bàà vana-tɛɛngaa-diom Hala-o ni? I co niaa dimul, hiovɔɔ bɛɛ vana-tɛɛngaa-diom Hala-o coo.

Matie 14:5

Ndóò yeema le Nsaŋ diyɔɔ, kɛ siòònde va ndu a vannda, kani nda kpow a va cɔu maa vana-tɛɛngaa-diom Hala-o Nsaŋ va ni.

Matie 21:26

Te n muli yɛ vɛlɛ pɛ aa: ‹Vanndacieea óò vem ndu ni›, siòònde bɛnda mì i bii naa a sɛ́lɔ́ɔ́ ho, kani nda kpow a ce maa vana-tɛɛngaa-diom Hala-o Nsaŋ yɔŋnun ni.»

Matie 21:46

Má va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́, kani a va ndu cɔu maa vana-tɛɛngaa-diom Hala.

Matie 26:5

Má dimi aa: «N bíìnun ndu o paale kafolen coo le, yɔŋii vɔkɔ-vɔkɔɔ yɔŋnun vannda tɛɛn.»

Marke 12:12

Simlacia Yuifia va nɛilan nuwviaa le ndu biyɔɔ, kɛ mí siòònde bii nda a sɛ́lɔ́ɔ́. Kani má bii bila maa le nda Yeesu ndóò dimi tale kon ni. Má faŋan ndu kɔɔli, má kɔannun.

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Luke 20:5

O kon má yɔngan yiyanndan vellaa-velle, má dimi aa: «Te n muli pɛ aa ‹Hala vem ndu ni›, o co naa ɲuna aa: ‹Kɛ le yɛɛ nɛ niaa kɛɛ yɛ niko ndu laalan?›

Luke 20:7

O kon má kɔ mulul Yeesu aa a sina vana vem ndu vannda yinɔɔ-o le.

Luke 7:30

Kɛ mí Faliisia a vanaa pɛɛkaa latɔŋnda a kɛɛ ɲɛ Hala ndóò tuu le nda-o, kani a cɛl mà sɔla yinɔɔ Nsaŋ o ba le.»

Nsaŋ 10:41

Vanaa bɔɔ-bɔɔ a va hunɔɔ o ndu lo, má va dimio aa: «Nsaŋ tosa dɛnɛ kɔndɔfili kɛ́-kɛ̀ le, kɛ ɲɛ-ɲɛ o va dimio a langbanɔɔ ho o kɔɔ, toɲaa o co ni.»

Dɛnnda kiilaa 5:26

O kon, mí bolle kpalilaa cumulaa kɔa a vanaa cɔwva, má hun a kiilaa kan o bɛɛn-bɛɛndo nin, kani siòònde va nda yɔŋii vannda vii nda a powtan.