Luke 20:22 - BII BILA

²² Lelan dimul naa, vɛ̀ɛ̀ o bɛnda pá mì n mal muloo Sesar muloo o ba?»

Luke 20:22 Iomraidhean Croise

Nehemi 9:37

Lɛŋnde len le co hau masaa n kɛsi naa coo-a bolofaa lueiloo nuaa ni, masaa naa n co a vɔngulaa o ba o cɛlen nin le hakila naalan-nda pɛɛn. Masaa kan co hɛnan ndaa tosaa a naa a á cɔlua naa. N co bɔɔ sangaa mbɔ̀!»

Dɛnnda kiilaa 5:37

O ndu kɔɔli, mí Yuda fula Kalile-o hun telen nda va vannda diolan sɛvaa-o. Mí vannda taw a del vɛlɛ ndu kɔɔli. Ndu bɛɛ, má dii ndu. Mí vanáà del ndu kan kɔɔli-a bɛɛ a piɔl.

Matie 17:25

Mí Piɛr muli aa: «O salà.» Piɛr luɛyɔɔ cɛinin, mí Yeesu keleŋa sɔɛi cua, mó ɲuna ndu aa: «Simɔn, vɛ̀ɛ́ n yiyan yɛ a sɔɛi he: nɛ̀ɛ̀aa masaa co o lɛŋnden coo-a bii yɛ muloo o ba, pilacieea baa mialla?»

Nehemi 5:4

A pum nda va vɛlɛ dimio aa: ‹Le mulu masaa malɔɔ, n cua volion mí n lendul ciɛɔn naan a nakɔla naala n'rɛsɛnndan.

Ɛsdras 9:7

Kandɔɔ o paale fuɲaa naa imamaa, háá hau, pɔwla naalan la co bɔɔ sɛ́lɛ́. Le hakila naa n tosa lan, mí naa pila, masaa naa a vanaa-solia-lasálàà naa n luɛi masaa co o lɛŋnden coo-a o ba bɛngu, mí n del o mɔɛi cɔwve bɛngu, má kɔa a naa o biyɔɔ nin, mí vannda punga ɲɛm naan, mí siɛmbulan la bii naa mɛɛ la co hau naa biyɔ̀ɔ́ nuaa yɛ.

Ɛsdras 4:13

Le hee, màá masaa va o sinaa nin, maa te kobi kon muungu pɛ tangulɔn, mì kpakila ndɔlan la bɛɛndian, vanaa vanin lenin-nda mel-lɛnin mulu le, a yɔngu lɛnin ɲɛm kelun-ndon a sala hiavaa le. Ken tosan yɛ pɛ lende, mɛɛ bolofaa lemasaa kuinin te dɛ!

Tɔŋ miingua 17:15

la nɔla mì la suili masa Mɛlɛka Hala niaa hɛlinin-ndo. Kɛ puapilɛ niaa Israɛlnɔɔ o pilɛ niaa suilinin le masalen tosaa niaa coo ni, la cua miallo mi la siinguu ndu masaa niaa coo le.

Luke 20:21

Má ɲuna ndu aa: «Vana bɛndoo, n sina maa o sandei nin n co sɔɛi le vannda pɛɛkoo ni, a co vana-vana tofa le, o toɲaa coo n co vannda sɔɛi Hala-e pɛɛkoo ni.

Luke 20:23

Kɛ le tùú Yeesu ndóò sina kɔlkalu nda vɔɔndo-o, mó mulul nda aa: «La cɔm ya volii támái.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Rɔmnda 13:7

Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.