Luke 20:10 - BII BILA

¹⁰ Telen kiandaa tiiyaa, mó viam buɛi ndɔɔ o pilɛ o vanaa tósà baalaa o nakɔ n'rɛsɛnndo nin-nda lo haliko mi ndáà ke ndu tɔnɔ fula o nakɔ kon nin-ndo. Kɛ mí vanaa tósà baalaa o nakɔ n'rɛsɛnndo nin-nda lɔaa ndu, má mingi ndu bala fondo.

Luke 20:10 Iomraidhean Croise

1Masaa 22:24

Fɔ́ɔ́fɔ̀, mí Sedekia po Kenaana-o sɔɔnguu, mó lɔaa Misee kpaŋnde, mó ɲuna aa: «Vɛ̀ɛ̀ kɔl Mɛlɛka-o looku yɛ fulaa ya nin le kɔlan nɔm sɔɔn mun dimullo?»

2Masaa 17:13

Mí Mɛlɛka yondal Israɛlla a Yudaa a sondola vanaa-tɛɛngaa-diom Hala-a ndɔa a vanaa ca sɔɔn lacion-nda, mó dimul nda aa: «La mangalan a dɛnnda niaala vɔɔnndan, mì la bii tɔŋnda nilan a silala nilan, mì la kela o tɔŋ ya sɛval fuɲaa nia mamaa-o coo, tɔŋ ya yɔngu niaa fulaa vanaa nia baalaa o ba-o, vanaa-tɛɛngaa-diom Hala-a pɛɛn.»

1Dɛnnda lemasalan 19:4

O kon mí Hanun viam vannda, má kɔ bii vanaa bɛndua David ndóò vem kan-nda, má sendi nda siaiyon, má kili nda volɔɔlan lekɔɔ pɛɛngu yɔŋnda tumndan, má toaw nda.

2Dɛnnda lemasalan 16:10

Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Condii lisai 1:3

Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Yeremi 20:2

mó lɔaa Yeremi, vana-tɛɛngaa-diom Hala-o, mó dimi, má yii ndu o sungbulen o dio bɛndu Bɛnyamɛn va le luɛyɔɔ o Cɛi-Hala-o nin-ndo.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 5:24

La co dimin o lakɔl te aa: N tosan siòònde a Mɛlɛka Hala naa, o tuisul naa piɔɔ o telen ndɔɔ-o, piɔɔ tasoo a piɔɔ vɔɔle pɔmbɔɔ, o yɔngu naa lɔ́ɔ́lan le kovɔɔlan-ndo.›

Luke 13:34

Mí Yeesu dimi aa: «Kpòkóó Yerusalɛm! Yerusalɛm, nɔm diw hoo vanaa-tɛɛngaa-diom Hala-a, má vii vanaa nda vim nɔm-nda a powtan-ndo! I kindin o nɛi oo nɛi coo le cuavaa nɔmnda mɔɔsiaa mɛɛ sɔɔ komsaa mɔɔsiaa cuavaa ndɔa o kumbanndan bɛngu nuaa yɛ, kɛ à cɛl te.

Luke 20:11

Mó viam vɛlɛ buɛi celen. Má lɔaa vɛlɛ kon, má tɛɛmbuu ndu bɛ̀ɛ̀lan, má mingi bala fondo.

Luke 20:9

O kon kɔɔli, mí Yeesu dimul vannda taloo aa: «Langbanɔɔ pum tɔl nakɔ n'rɛsɛnndo ni, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin le telen vilɛi.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Rɔmnda 7:4

Puapilɛa nia, lende koni i co ni. Niaa bɛɛ la vi a ba tɔŋndo o dialun Krista-on nin, mí la muungu sumialii vana celen, o tendul fulaa vanvílɛ́iya tɛɛn-ndo, haliko mi n kom kɔmnde kɛndɛlen le Hala.