Luke 2:9 - BII BILA

⁹ mí mɛlɛkanɔ Hala-o cɔmnun nda, mí biilu Mɛlɛka-o balu nda teenga sɔ́, mí siòònde bii nda taw.

Luke 2:9 Iomraidhean Croise

1Masaa 8:11

A tiwba le muungoo lenin le baala ndáà tosaa le, kani mí biilu Hala-o pia o Cɛi kalaa nin ca.

Fulaa 16:10

Tuma Aarɔn va sɔɛi o Israɛlla kpow lo-o, mí Israɛlaa kan muli hɔlla ba lɛŋnde veselɛilen, mí biilu Mɛlɛka-o cɔmnun nda o kumnde nin.

Fulaa 16:7

Nduyɛ siɔdii, la canin biilu Mɛlɛka-o vakpa. Kani ndu pila tuei niaa sɔɔn pɔmbɔn dimio a ndu. Bau yɛɛ naa naa n co yɛ mì la soo sɔɔn pɔmbɔn a naa?»

Esai 35:2

O kumbunnin mɔku-mɔku a punga billo, mò yɛkɛlan a kɔlkɛndɔɔ, mò viow kponyoo a condon a yoondiaala kɔlkɛndɛlan. Naŋɔɔ Liban-ndo yɔngunnin ndu, naŋɔɔ pembei Karmɛl-lo a naŋɔɔ dɛɛlaa Saron-ndo kennunnin ndu. A canin biilu Mɛlɛka-o ciŋ, a mɛɛndannin naŋɔɔ Hala naa.

Esai 40:5

O kon, biilu Mɛlɛka-o fulanin ceen, o telen pilɛ kon, vanndacieea kpow canin ndu. Kani Mɛlɛka o sondo sɔɛi he fula ni.

Esai 60:1

Cɔn ma tenga Yerusalɛm, kani ɲɛ-tengaa nɔmndo cɔmnun, biilu Mɛlɛka-o tol nɔm coo.

Esekiɛl 3:23

O kon, mí can, mí toal o bóllo nin. Tofa vɔ, biilu Mɛlɛka-o va o toangaa lon, mɛɛ yáà ce ndu o peo Kebar ikɛi yɛ. Le hee, mí del lɛŋ, mí kuumbuu hɔlla lɛŋ.

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Luke 1:28

Mí mɛlɛkanɔɔ luɛi o ndu lo, mó dimul ndu aa: «Dɔwnun ɲaale, nɔm sɔla hoo dɛnɛ kɛndɔɔ fulaa Hala o ba-o, Mɛlɛka co nɔm ikɛi.»

Luke 2:8

Vanaa mandaa n'saa pum va o tàndá pilɛ kon nin, a va saa ndaa mandaa icɔllo,

Luke 24:4

A lo kɔltan keeliaa, mí vanpiaandua nda ŋiɔn a cɔmnun nda o lepilɔɔ a volɔɔla ŋɛlɛŋi-ŋɛlɛŋilan lekɔɔ.

Nsaŋ 12:41

Ken Esai dimi telen o ce biilu Yeesu-o ni, mó soaa a ndu o kɔɔ.

Dɛnnda kiilaa 12:7

mí mɛlɛkanɔ Hala-o fula o lepilɔɔ, mí ɲɛ-tengaa pia o cɛi kaaso kon nin. Mí mɛlɛkanɔɔ pilan Piɛr congoo, mó tindi ndu, mó dimul ndu aa: «Keleŋa cɔnɔn!» O kon mí yɔlɔn va ndu o ba-on n deli.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Dɛnnda kiilaa 5:19

Kɛ icɔllo, mí mɛlɛkanɔ Maalii-o kumbi diola luɛyaala cɛi kaaso kalaa, mó soli nda, mó dimul nda aa:

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Hebreea 12:21

Siòònde ndíì bii vana a ɲɛ nda va cɔu-vo ni. Mí Moise dimi aa: «Siòònde co ya bɔɔ, i co ɲiiyaa.»

Dɛnnda cɔɔmuanndan 18:1

O kon kɔɔli, mí ca mɛlɛkanɔ celen tolɔɔ fulaa o halataala, ndóò nɔ kpaaya lemasaa taw, mí lɛŋnden le tenga a biilu ndɔɔ.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.