Luke 2:4 - BII BILA

⁴ Mí Yosɛf bɛɛ can Nasarɛt o lɛŋnde Kalikee len nin, mó kɔa Bɛtlɛhɛm o tàndá Yuda-o nin, Bɛtlɛhɛm Kobi David-o pɛɛn. Kani o polale David len nin o fula ni.

Luke 2:4 Iomraidhean Croise

O Kandɔɔ 35:19

Mí Rasɛl vu, má kumbu ndu o nɛi Efrata-o coo, Bɛtlɛhɛm pɛɛn.

O Kandɔɔ 48:7

Yáà cɔnɔnndo Padan-Aram, mí Rasɛl kei vu o lɛŋnde Kanaan-nden nin, Efrata ciee-lekɔɔ. O nɛi Efrata nɔ vɛlɛ diolan aa Bɛtlɛhɛm-ndo coo lon ya kumbu ndu ni.»

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Matie 1:20

Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.

Matie 2:23

mó kɔ cal o kobi nda veelu aa Nasarɛt-o nin, haliko mi sɔɛi vana-tɛɛngaa-diom Hala-o dimi-e ndíì peelun aa: «A veelunin ndu aa Nasarɛtenɔɔ.»

Luke 2:3

Mí vannda kpow a kɔa le diolan sɛvanndo, vana-vana o kobi ndɔɔ nin.

Luke 2:5

Mó kɔa le sɛvanndo nda Mari, o ó va kɔɔli le yilɔɔ o nɔ̀u nin, mo va a foli miaa-o.

Luke 4:16

Mɛɛ Yeesu tiiya Nasarɛt, nɛɛ o sul-la, mó luɛi o cɛi lekaando nin o paale pɛngiaalen coo mɛɛ o dema tosa yɛ, mó can le Sɛbɛ Hala-o dimio.

Nsaŋ 1:46

Mí Natanaɛl ɲuna ndu aa: «Ɲɛ kɛndɔɔ nɔla pá fulaa Nasarɛt?» Mí Filipe mulul ndu aa: «Hun mà ce.»

Nsaŋ 7:42

O co o Sɛvaa maa o polale David len, Bɛtlɛhɛm ciee, nɛɛ David va calle-a Krista fulanin ni.

Ruti 1:19

Má kɔa nda ndu latulu háá má tiiya Bɛtlɛhɛm. Ndáà tiiyaa Bɛtlɛhɛm, mí cieo biiŋun kpow le nda. Mí vanlaandua va ɲuunianndo aa: «Vannda sei! O co macoaa Noemi le co hoo le?»

Ruti 2:4

O viw bɛɛ ka-ka le, mí Boas pila fula Bɛtlɛhɛm, mó hun. Mó yil vanvalla, mó dimi aa: «La nuvali a vallo! Màá Mɛlɛka lo niaa ikɛi!» Mí vanvalla mulul ndu aa: «Mbaa! Màá Mɛlɛka dɔw nɔm duaa!»

Ruti 4:11

Mí kaasoŋaa kɔlkalua a vanaa va lon-nda kpede muli aa: «N tuei, n co n'sei. Màá Mɛlɛka dow nɔm lanɔ kalaa duaa, o co hoo luɛyɔɔ sɛnɛi o nɔm ndo cɛinin-ndo pɛɛn! Màá o vol Rasɛl nda Lea, vanlaandua ŋiɔŋaa yɔŋnun kalaa imamaa le cuavaa Israɛlla-a pɛɛn! Màá nɔm pila piɔlnun ladio Efrata nanu, ma siŋnun vana tɔ́ɔ́ bɛndoo Bɛtlɛhɛm ciee nanu!

Ruti 4:17

Mí vanlaandua nda va latulu o bɛ́ɛ̀-a dimi aa: «Taanin! Noemi kɛí sɔla cua imamaa nuaa ni!» Má ke ndu diolan aa Obɛd. Ndu yɔŋnun fuɲaa Yisai ni, Yisai kon velu David ni.

1Samiɛl 16:1

Mí Mɛlɛka ɲuna Samiɛl aa: «Ma lo caŋndo le Saul háá lɔ́ɔ́ kuɛɛ nɛ? Ya pila cii ndu kɛɛ, o ve lɛnin masa Israɛlla coo le lɔ́ɔ́-lɔ́ɔ̀ le. Cua lee macuɛi nɔmndo ma pei cuɛiyan lenin, ma kɔɛ o Yisai Bɛtlɛhɛmnɔ lo. Kani o poaa ndɔa tɛɛn ya hɛli masa ya yeema-o ni.»

1Samiɛl 16:4

O kon mí Samiɛl tosa mɛɛ Mɛlɛka dimul ndu yɛ, mó kɔa Bɛtlɛhɛm. Kaasoŋaa kɔlkalua va o kobi kon nin-nda cɔu ndu hunɔɔ, má hun ndu bɔŋaa a buulanndo. Má dimul ndu aa: «Màá hunɔɔ nɔmndo va sɔɛi kɔlɲulu fɔ́!»

1Samiɛl 17:12

Nduyɛ, David po Yisai Efratiinɔ-o o va ni, Bɛtlɛhɛm o tàndá Yuda-o nin Yisai kon ndóò fula ni. Poaa nda ŋɔmaa ndóò nɔ ni. O paale Saul-ten, ndóò yuuva nin taw.

1Samiɛl 17:58

Mí Saul ɲuna David aa: «Ponndo sei! Nɛ̀ɛ́-nɛ̀ velu yɛ nɔm?» Mí David mulul ndu aa: «Po buɛi nɔmndo ya co ni, Yisai fula Bɛtlɛhɛm-ndo pɛɛn.»

1Samiɛl 20:6

O kon, te fuɲa nɔm koma va pɛ ɲunaa le ya, a dimul ndu aa nɔm Yonatan cɛl le faŋan nuu ni, mí kɔa cɔ́-cɔ́ o ya lo Bɛtlɛhɛm le sálà vɔsio solio latulu naa yungu nuu.