Luke 2:25 - BII BILA

²⁵ Nduyɛ fallo pum va Yerusalɛm, diolan Simeɔn, vana sandaa a vana óò lo o lediom coo a Hala-o o va ni, o va vana óò ciindiaanin Israɛlla-o cumndo. Hala Kɔl-Diandaa va ndu coo.

Luke 2:25 Iomraidhean Croise

O Kandɔɔ 6:9

Polale Noe len le yɔŋnun nden ni, ndóò velu poaa nda yáá: Sɛm, Ham a Yafɛt. Vana sandaa a vana diandaa Noe yɔŋnun vanndacieea tɛɛn o paale ndɔlen ni, o va kelaa o nɛi Hala-o coo.

SƐBƐ YƆB-O 1:1

Langbanɔ pilɛ va o lɛŋnde Us len nin diolan aa Yɔb. Vana sandaa o va ni, ndóò yeema dɛnɛ sandaa taw. Ndóò nɔ siòòŋii Hala-e, o va dɛnɛ vɔɔndo kpakpalaa.

SƐBƐ YƆB-O 1:8

Mí Mɛlɛka ɲuna ndu aa: «Vɛ̀ɛ̀ a dɔw pá Yɔb, vana ni baalaa, taasi? Vana-vana co maa ndu o lɛŋnden coo le, vana sakpoo a vana sandaa o co ni. O nɔ siòòŋii Hala-e o kpakpalà dɛnɛ vɔɔndo.»

Esai 25:9

Vannda diminin paale len aa: «La tofa vɔ Hala naa!» O ndu coo naa n kɛsi kɔllo ni, ndu baŋa naa ni. Ndu co Mɛlɛka ni, ndu naa n handu laalan naa coo ni. Lelan, n naŋnun kɔl mì n dɔwnun ɲaale le cinda o nɔ-o.

Esai 40:1

Hala niaa dimi aa: La ɲɔɔlu vanaa niaa! La tamala le dɛ!

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Kundalan 11:25

Mí Mɛlɛka toal o kumnde nin, mó soaa o ndu Moise lo, mó cua kɔl va ndu nin-ndo o tiŋ, mó yɔngu kaasoŋaa kɔlkalua belaŋɔmmɛvaa kan ndu. Mɛɛ kɔl Hala-o tol nda coo, má soaa o kpaaya ndɔɔ bɛngu maa vanaa-tɛɛngaa-diom Hala. Bɛmbɛ lepilɛ kon kínɛí ken tosalan nda ni.

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

Marke 15:43

mí Yosɛf hun fulaa Arimatee, vana vannda ndáà ke bɛɛlen taw o kunda vanaa kialaa n'yamaa lelɛŋnda tɛɛn-ndo o va ni. Ndu bɛɛ va vana pilɛ le masale Hala len cumndo. Mó veesiaa hɔlla, mó kɔa o Pilate lo, mó ɲuna ndu le dialun Yeesu-on cuaa.

Luke 1:41

Lɔ́ɔ́ Elisabɛt tuei yilɔɔ Mari-o-o, mí cɛlɛkpɔɔ biiŋun ndu o dembe. O kon mó pia a Hala Kɔl-Diandaa,

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Luke 1:67

Mí Hala Kɔl-Diandaa pia Sakari fuɲa ndɔ nin, mó va sɔɔn siɔdii lacion dimio aa:

Luke 2:38

Telen Simeɔn va kon lon-ndo, mí Anɛɛ hun, mó mel Hala balika. Mó dimul vanaa va cumndo mì Hala ndóò baŋa Yerusalɛm-nda sɔɔn a poombɔ kon o kɔɔ.

Luke 23:51

O kue o tundɔɔ vanaa tɔ̀a va-o le, o del vɛlɛ nda kɔɔli o dɛnnda nda va tosaa lan nin te. Arimatee o kobi Yuifia nin ndóò fula ni. O va masale Hala len cumndo.

Dɛnnda kiilaa 10:2

Ndu a yungu ndɔɔ a va yɔŋ vɔɔndo vou. Ndáà nɔ vɛlɛ siòòŋii Hala-e. O va vannda ɲɔɔn keo taw, mó va Hala piɛiyo lɔ́ɔ́-lɔ́ɔ̀.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

Dɛnnda kiilaa 2:5

Nduyɛ, Yuifia ndáà vo Hala-a pum a va Yerusalɛm, fulaa o lɛŋii co o ceendo coo-e kpow nin.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Tɔŋ miingua 18:15

O solinin vana-tɛɛngaa-diom Hala-o niaa tɛɛn maa ya Moise, o puapilɛa niaa tɛɛn o fulanin ni. Lelan, sɔɛi ndɔɛi niaa bɛnda le yaŋnɔnndo ni.

2Piɛr 1:21

kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.