Luke 2:14 - BII BILA

¹⁴ «Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Luke 2:14 Iomraidhean Croise

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Esai 49:13

Niaa co o halataala-a, la dɔwnun ɲaale! Niaa co o lɛŋnden coo-a, la va o kɔlkɛndɔɔ nin! Niaa pembon, la deŋi kpélén a kɔlkɛndɔɔ! Kani Mɛlɛka co vanaa ndɔa ɲɔɔloo, ɲííye bii ndu le vanaa ndɔa co o kuɛi nin-nda.

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

Misee 5:5

À tosanin masalen o lɛŋnde Asiri len coo a o lɛŋnde Nimrɔd len coo a mɔɛi cɔwve. Nuaa Masa kon o baŋanin naa Asirinɔɔ o ba ni, te Asirinɔ kon hiow pɛ pɛɛngulan, mò luɛi o lɛŋnde naalen nin.»

Matie 21:9

Mí sɛ́lɛ́ bɛndu va ndu laci a ndu kɔɔli-o va kɔlan a yondaa aa: «Biiloo co le Po David-o! Biiloo co le vana co hunɔɔ o diola Mɛlɛka lan-ndo! Biiloo co le Hala o halataala!»

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

Luke 19:38

Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Luke 2:13

Fɔ́ɔ́fɔ̀, mí mɛlɛkaa fula kunda bɛndoo o halataala, má sɔɔnguu mɛlɛkanɔ kon ikɛi. Má va Hala biiloo a dimio aa:

Luke 2:15

Lɔ́ɔ́ mɛlɛkaa faŋan vanaa mandaa n'saa ikɛi le muungoo o halataala-o, mí vanaa mandaa n'saa kan dimulan aa: «N kɔnnun Bɛtlɛhɛm, mì n kɔ cɔ ɲɛ yɔŋnun-ndo, o Mɛlɛka cɔm naa-o.»

Luke 3:22

mí Hala Kɔl-Diandaa toal ndu coo maa kangbo. Mí diomndo fula o halataala aa: «Po ni ya kaola taw-vo n co ni, a hɛnan ya.»

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Nsaŋ 17:4

I biilu nɔm o lɛŋnden coo, mí i cii vali n ke ya le tosaa-o tosa.

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Efɛsea 1:6

Lelan, n melnun Hala balika le kɛndɛi ndɔɛi bɛnduei, i o tosal naa a Po ndɔ o kaola taw-vo o kɔɔ-e.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Efɛsea 2:4

Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,

Efɛsea 2:7

O kɛndɛi bɛndui o cɔm ken o Yeesu Krista nin-nde nin, ndóò yeema mì ndóò cɔm kɛndɛi ndɔɛi fɛɛn-fɛɛnnde.

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.

Kolɔsea 1:20

le bɛndaa mingio ndu tɛɛn a ɲɛm co-on kpow. O piɔ́m Po ndɔɔ sɔla o yɔm singafilaa coo-o kɔɔli, mó mingi diom pilɔɔ ndu pila tɛɛn a ɲɛm co o lɛŋnden coo-on a á ɲɛm co o halataala-on.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Dɛnnda cɔɔmuanndan 5:13

Mí tuɛi ɲɛm cɔwnun-ndon diomndan solio, mun o halataala, mun o lɛŋnden coo, mun o lɛŋnden bɛngu, mun o mɛmma ihɛllan nin a ɲɛ-ɲɛ co o fondala lan, mí n va dimio aa: «Le vana co icali o kpɛŋɛ lemasaa nin-ndo a le Saa téndóó, sangalaa, bɛɛlen, biiloo a masalen le co le fɛɛn a fɛɛn ni.»