Luke 2:10 - BII BILA

¹⁰ Kɛ mí mɛlɛkanɔɔ dimul nda aa: «Siòòŋii bii niaa le. Kani Yoongu kɛndɔɔ ya hin niaa tiiyallo nuaa ni, ó vanin dɛnɛ ɲaale bɛndoo le vannda kpow-vo.

Luke 2:10 Iomraidhean Croise

O Kandɔɔ 12:3

Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esai 41:27

Kɛ ya yɔŋnun vana tasoo, le vannda Siɔn dimullo ni aa: «La tofa vɔ nda! La ce nda! Ya yɔngu Yerusalɛmnda kiilanɔɔ ni, kiilanɔ kon yoo nda yoongu kɛndɔɔ ni.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Esai 52:10

Mɛlɛka soli ba cɔm dindin ndɔɔ-o ceen vanaa-mangalaa-isɔɔa kpow o hɔl. Vanaa co o lɛŋnden mɛɛlulan kpede-a canin cinda Hala naa.

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Matie 14:27

Fɔ́ɔ́fɔ̀, mí Yeesu dimul nda aa: «La ɲulul kɔltan, ya ni, siòòŋii bii niaa le!»

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Marke 1:15

mó va dimio aa: «Telenndo tiiya, masale Hala len le sɔɔnguu. La mal yɔŋ vɔɔndo, mì la mangalan, mì la laalan Yoongu Kɛndɔɔ!»

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Luke 1:19

Mí mɛlɛkanɔɔ mulul ndu aa: «Ya co Kabriɛl ni. I co isisi Hala o hɔl le ndu baalaa tosallo. O vem ya, mì soo o nɔm ndo, mì dimul nɔm Yoongu kɛndɔɔ ho.

Luke 1:30

O kon mí mɛlɛkanɔɔ dimul ndu aa: «Yɔŋ isiòòn te Mari, kani Hala ce nɔm ɲia.

Luke 2:11

Vana Ciindiaa vilun niaa hau o Kobi David-o nin, ndu co Krista ni, Maalii pɛɛn.

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Luke 8:1

O kon kɔɔli, mí Yeesu va kɔlan o cieon a o kobilan nin. O va keiyo Yoongu Kɛndɛ masale Hala len dimio nɛɛ-nɛɛ ka. Kaandeŋaa tɔ́ a à ŋiɔŋaa ndɔa a va ndu kɔɔli,

Dɛnnda kiilaa 13:32

Naa bɛɛ, Yoongu Kɛndɛ kon naa hin niaa tiiyallo ho ni: o Hala ndóò dimi le fuɲaa naa mamaa-o,

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.