Luke 19:41 - BII BILA

⁴¹ Mɛɛ Yeesu sɔɔnguu ciee-lekɔɔ, mó ca kobio, mó caŋ le ndu,

Luke 19:41 Iomraidhean Croise

2Masaa 8:11

Elise vana-tɛɛngaa-diom Hala kon lo tofaa, mí hɔlla mangalan ndu, mó pial caŋndo.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Condii lisai 119:158

I co vanaa bii isɔɔ le-a tofaa a nɛyɔnndo, kani a co ɲɛ n dimio biyɔɔ le.

Condii lisai 119:53

Ɲɔɔ co ya palaa taw le malɔɔ vanaa yɔŋ vɔɔnda co tɔŋ nɔmndo-o.

Esai 22:4

Lelan ya dimi ni aa: «La faŋa hɔlaa niaa ya kɔɔli, la mal-la mi caŋ taw-taw. La kindikindin le ya ɲɔɔloo le dɛnɛ palaa tol vanaa niaa co o kobi nuu nin-nda coo-o le.

Esai 28:21

Kani Mɛlɛka cannin maa mɛɛ o tosa o pembei Perasim yɛ, o tuulunin kɔl mɛɛ o tuulu kɔl o dɛɛlaa Kabaɔn nin yɛ, mò tosa baala ndɔɔ, baala ndɔ kaamaa, le vali ndɔɔ tosaa, vali ndɔ kɔndɔfillo!

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 17:16

Ya, i beŋ nɔm le dɛnɛ palaa tuisi kangalan te, o co yeemɛi ni mì paale dɛnɛ palaalen le tiiya le. Nɔm Mɛlɛka, a sina ken válán. Diom ya soo-o, nɔm o hɔl ya dimi ndu ni.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Nsaŋ 11:35

Mí Yeesu caŋ.