Luke 19:12 - BII BILA

¹² Lelan, mí Yeesu dimul nda aa: «Mí langbanɔ pilɛ, ó velun o polalen tɔ́ɔ́len nin-ndo, kɔa o lɛŋnde levil-vilten lepum nin, haliko mi ndáà kɔ suili ndu masaa, o kon kɔɔli mì ndóò muungun.

Luke 19:12 Iomraidhean Croise

Matie 21:38

Kɛ vanaa tósà baalaa o nakɔ n'rɛsɛnndo nin-nda cɔu po ndɔɔ, má dimulan aa: ‹Vana nɔ kɛ́ɔ-vo co hoo ni. La hun n diinun ndu, mí n loo kɛ́ ndɔɔ.›

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Marke 12:1

O kon mí Yeesu kandu sɔɛi o nda lo o taloo nin, mó dimi aa: «Langbanɔɔ pum tɔl nakɔ n'rɛsɛnndo ni, mó kunga ndu pindo, mó toaw doolaa lenin, mó tangul cɛi cumulaa lenin. Ciiyo, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin.

Marke 16:19

Yeesu ciiyo nda sɔɔn mun dimullo, mó hel o halataala, mó kɔ cal Hala o ba kɛndɔɔ coo.

Luke 20:9

O kon kɔɔli, mí Yeesu dimul vannda taloo aa: «Langbanɔɔ pum tɔl nakɔ n'rɛsɛnndo ni, mó sɔɔa vanaa tósà baalaa o nakɔ n'rɛsɛnndo nin-nda nakɔ kon o ba. O kon kɔɔli, mó kɔannun kelaa o lɛŋnde celen nin le telen vilɛi.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

1Korɛntea 15:25

Kani mɛɛ mò tosa masalen háá mò nɛw yaamɔaa ndɔa a n'pelu.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

1Piɛr 3:22

Yeesu hel o halataala mó kɔ cal Hala o ba kɛndɔɔ coo-o pɛɛn, o nɔ̀ mɛlɛkaa, masɛi a kpaayalan kpow ndu o ba bɛngu-o.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.