Luke 18:43 - BII BILA

⁴³ Fɔ́ɔ́fɔ̀, mó ca maa paandu. Mó bii kɔlan Yeesu kɔɔli a Hala candɔɔ. Vannda kpow cɔu dɛnɛ kon, má biilu Hala.

Luke 18:43 Iomraidhean Croise

Condii lisai 107:15

La lisa Mɛlɛka le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 107:8

La mel Mɛlɛka balika le kaola ndɔ nɔ lamɛɛlu loo a le dɛnnda kɛndɛla o co vanndacieea tosallo lan!

Condii lisai 146:8

Mɛlɛka co vanaa sumɛiya hɔltan kumbio, o co vanaa co a tundan-nda mingio isisi, o kaola vanaa sandaa.

Condii lisai 30:2

Mɛlɛka, i yeema mì cɔm bɔɔbɔɔyɛi nɔmnde, kani a soli ya ciee-piɔ́m. A cɛl mì yaamɔaa nia dɔwnun ɲaale a ya o kɔɔ le.

Esai 35:5

Paale len, hɔlta vanaa sumɛiya a nila vanaa nila baŋulɛiya la kumbinnin,

Esai 42:16

I yaanin vanaa sumɛiya o nɛi nda sina loo coo. I yaanin nda o pemama nda sina le-an coo. I mangalanin ɲumndan ɲɛ-tengaa nda o hɔl. I siinguunin kpolonndan dɛngbɛla tɛlɛlan. I tosanin dɛnnda lan kpow, o kɛ́-kɛ̀ i mɛinin le tosaa le.

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Matie 21:14

Mí vanaa sumɛiya a namtaa a sɔɔnguu ndu ikɛi o Cɛi-Hala-o nin, mó singi nda.

Matie 9:8

Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.

Luke 13:17

Telen Yeesu va mulio ho yɔngoo-o, mí siɛmbulan la bii yaamɔaa ndɔa kpow. Kɛ nduyɛ, ɲaaloo va vannda taw le dɛnnda kɔndɔfilta o va tosaa lan.

Luke 19:37

Mí Yeesu kei o nɛi tol a ba pembii yɔmii oliviee-o. Ndóò tiiyaa Yerusalɛm ciee-lekɔɔ, mí kaandennda yiinun sɛ́lɔ́ɔ́, má va ndu kɔlan kɔɔli a ɲaaloo, má can Hala candɔɔ coocoo lengben-lengben le kaamaala ndáà ce lan kpede.

Luke 4:39

Mó tundun ndu coo, mó kpaa dialun tuwvun mun, mí n faŋan ndu. Fɔ́ɔ́fɔ̀, mì vuɛɛn kalaa can, mó ke nda ɲɛdiaa.

Luke 5:26

O kon mí kɔndɔfillo bii vannda kpow, má candu Hala. Mí siòònde bii nda taw, má dimi aa: «N ce hau dɛnnda naa n dema cɔ le lan.»

Luke 9:43

O kon mí kɔndɔfillo bii vannda kpow a bɔɔbɔɔyɛi Hala-e. Le tùú kɔndɔfillo va vannda kpow a dɛnnda Yeesu va tosaa lan-ndo, mó dimul kaandeŋaa ndɔa aa:

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Dɛnnda kiilaa 4:21

O kon, mí simlacia kialaa iyamaa lelɛŋnda kɔngɔlan nda vɛlɛ, o kon kɔɔli, má mal nda. A ci nɛi oo nɛi nda tuisi nda sangaa coo le. Kani vannda kpow a va Hala candɔɔ le dɛnɛ oo tosan kon-ndo.

Kalatea 1:24

Má va Hala biiloo a ya o kɔɔ.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.