Luke 18:23 - BII BILA

²³ Langbanɔ bolofaa kon tueyɔɔ lende, mó yii hɔlla, kani vana bolofaa bɛndoo o va ni.

Luke 18:23 Iomraidhean Croise

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Matie 19:22

Kɛ langbanɔɔ tueyɔɔ sɔɛi ken, mó kɔannun a suumaa, kani bolofaa pila ndóò nɔ ni.

Marke 10:22

Kɛ le sɔɛi ken, mí langbanɔɔ kɔannun a suumaa, kani bolofaa pila ndóò nɔ ni.

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Luke 18:22

Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Luke 18:24

Yeesu tofaa ndu, mó dimi aa: «O kendu le vanaa bolofaa luɛyɔɔ o masale Hala len nin!

Luke 19:8

Kɛ mí Saasee can, mó dimul Maalii aa: «Maalii, i co vanaa bala fondoa ɲɛ-sɔlaa nuu ke ba pilɛ. Te i cua pɛ ɲɛ vana, i mingulnin vana kon kundalan lahiɔɔlu.»

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Luke 8:14

Yɛi del o yɔɔn nin-ndo, ndu co vanaa tuɛi sɔɛi Hala-e-a, kɛ mí buulanndan, yeemɛi bolofaa a yeemɛi ceende pia nda o lakɔl, a kum ndɛ komɔɔ kɛndɛ le-a ni.

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

1Nsaŋ 2:15

La kaola ceendo le, la kaola ɲɛm co o ceendo nin-ndon te. Te vanndo kaola pɛ ceendo, kaola Pua-o ve ndu nin te,