Luke 18:22 - BII BILA

²² Mɛɛ Yeesu tuei sɔɔn mun, mó dimul ndu aa: «Ɲɛ pilɛ lo vɔ nɔm le tosaa: pisi ɲɛ-sɔlaa nɔmndo kpow, mà piɔw vanaa bala fondoa volin mun, a co hunɔɔ bolofaa sɔla o halataala. O kon kɔɔli, a del-la kɔɔli.»

Luke 18:22 Iomraidhean Croise

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Matie 19:21

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Luke 10:42

kɛ nduyɛ, dɛnɔɔ ndu pilɛ kpé naŋ ni. Dɛnɛ hiow kon naŋɔɔ-o Mari hɛli nuaa ni, nduyɛ, vana-vana heelunin ndu dɛnɛ kon o ba le.»

Luke 12:33

La pisi ɲɛm co niaa o laba-on, mí la yɔngu vanaa bala fondoa volin mun. La toosiaa bɔlɔla tembu le lan le niaa pila, bolofaa o halataala pɛɛn. O tembunin too, nɛɛ vui sɔɔnguunin ikɛi le-a, kaangoa tɛɛmbuunin vɛlɛ ndu le.

Luke 16:9

Mì dimul niaa, la nuwviaa canyan a bolofaa ceen hui ho vana-o, haliko lɔ́ɔ́ o cuunin niaa o ba-o, caaŋaa niaa kan a luei niaa o calta fɛɛn-fɛɛnndan nin.

Luke 18:21

Mí langbanɔɔ muli aa: «I bii nin sɔɔn mun kpow kabi o felengiyɛi nii nin.»

Luke 18:23

Langbanɔ bolofaa kon tueyɔɔ lende, mó yii hɔlla, kani vana bolofaa bɛndoo o va ni.

Luke 9:23

O kon kɔɔli, mó dimul nda kpow aa: «Te vana yeema pɛ le ya delɔɔ kɔɔli, mɛɛ mò kɛɛnun ndu pila, mò va o bɛɛndianndo lepalaa o lepala le piɔ́mndo sɔlaa, o kon o del-la kɔɔli.

Filipea 3:13

Puapilɛa nia, yiyan co ya bɛɛ maa i bii nin ɲɛ ya co kiltan kɔɔli-o le, kɛ ɲɛ pilɛ ya co tosaa ni: o ya hiow nin-ndo ya co pɔɛɛnndan ni, mì va kindinndo le o co ya laci-o bendallo,

2Piɛr 3:8

Kɛ dɛnɛ pilɛ co, o niaa bɛnda le pɔɛɛnɔn too, caaŋaa nia: Mɛlɛka o hɔl, paalen ten pilɛ le co macoaa maa vɔsilan vàá pilɛ, mì vɔsilan vàá pilɛ la va maa paalen ten pilɛ.