Luke 17:30 - BII BILA

³⁰ Lende koni ɲɔɔ yɔŋnunnin paale Po vanacieo cɔmnunnin-nden ni.

Luke 17:30 Iomraidhean Croise

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 24:3

Mɛɛ Yeesu va icali o Pembii oliviei coo, mí kaandennda hun ɲuna ndu nda pilɛ kínɛí aa: «Dimul naa, telen kuɛɛ dɛnnda lan la yɔŋnun yɛnin? Ɔ́ɔ̀ tɔɔmasele hunɔɔ nɔmndo a tɔɔmasele mɛɛlula ceendo?»

Matie 24:37

Kani, mɛɛ ɲɔɔ yɔŋnun o palɛi Noe-e yɛ, lende hunɔɔ Po vanacieo vanin ni.

Matie 24:39

Buulan ve nda le ɲɛ-ɲɛ le, háá mí mɛnndan ma hun, mí ma cii nda tɛɛmbuu. Lende koni o tosannin o hunɔɔ Po vanacieo ni.

Matie 26:64

Mí Yeesu mulul ndu aa: «Nɔm pila cii dimi. I co niaa vɛlɛ dimul, la canin Po vanacieo icali Hala vana kpaayaa kpow o ba kɛndɔɔ coo, mo va hunɔɔ o yumbuyumbu halataala-o nin.»

Marke 13:26

O kon vannda canin Po vanacieo hunɔɔ o yumbuyumboo nin a kpaaya bɛndoo a á biiloo.

Luke 17:24

Kani mɛɛ piɔɔ-volia can o halataalaa kpengei pilɛi, mò kɔ tiiya o kpengei pilɛi nuaa yɛ, lende Po vanacieo vanin paale ndɔlen ni.

Luke 17:29

kɛ paale Lɔt faŋan Sodɔm-nden, mí Hala soli yinnden a powta leyinndan coocoo maa piɔɔ, mí le diw nda kpow.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Luke 21:27

O kon, vannda canin Po vanacieo hunɔɔ o yumbuyumboo nin a kpaaya bɛndoo a á biilu bɛndoo.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

Kolɔsea 3:4

Telen Krista, o co yoomu niaa-o fulanin ceen-ndo, o kon niaa bɛɛ la fula latulu a ndu o biiloo nin.

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

1Piɛr 4:13

Kɛ la dɔwnun ɲaale le sangala Krista lan sɔlaa, haliko mi la naŋ kɔl, telen biilu ndɔɔ fulanin ceen-ndo.

1Nsaŋ 2:28

Lelan, cuavaa nia, la lo ndu nin, haliko telen o cɔmnunnin-ndo, mì n sɔla tiindanndo, o kon siɛmbula biinin naa a ndu o hunɔɔ ndɔɔ le.

1Nsaŋ 3:2

Caaŋaa nia hɛnan ya-a, cuavaa Hala-a naa n co nin ni, mɛɛ naa n hun vanin yɛ cɔmnun ndɔ le, kɛ i naa n sínà-e co ni maa telen Krista fulanin ceen-ndo, maa ndu naa n vanin ni, kani n canin ndu mɛɛ o co yɛ.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.