Luke 17:3 - BII BILA

³ La mandan a niaa pila. Te puapilɛ nɔmndo tosa pɛ dɛnɛ hakio a nɔm, a kpaandian ndu. Te o mangalan pɛ, a mal ndu haki.

Luke 17:3 Iomraidhean Croise

Condii lisai 141:5

Vana bii sɔɛi Hala-i-yo tiwba mò lɔɔ ya, vana lo o lediom coo-o tiwba mò mingi ya o nɛi, dɛnnda icanyala ya nɔla kɛɛ le lan la co lan ni. Kɛɛ yɔŋ vɔɔn vanaa vɔɔnnda tiwba piɛile nilen simullo lɔ́ɔ́-lɔ́ɔ̀ le.

Fulaa 34:12

Kɛ la mandan dɛ! La tiiya pɛ o leŋnde niaa co kɔlan nin-nden nin, la yii kpema niaa vanaa niaa co komal lon-nda le, yɔŋii nda siŋnun yaŋɔɔlen le niaa.

Talelan 17:10

Vana taasio kanalanndo le pilɛ hiow nɛŋi, a diɔm sondo vesɛiyo lɔɔ kɛmɛ a sionnden.

Talelan 27:5

Vanndo tɔɔmbuu ndɔɔ cɔmndo vakpa co fisa a vaa canyɛi viannanndo a ndu.

Talelan 9:8

Cɔ̀m vana mamaa n'vanndo sɔvun ndɔn te, yɔŋii o pɛɛsa nɔm. Kɛ cɔm vana kɔlkaloo sɔvun ndɔn, mò kaola nɔm.

Tɔŋ lasálàá 19:17

La nɔ́ nɛyɔn puapilɛa niaa o lakɔl te. Kɛ te a tosa pɛ sɔɛi vɔɔnde, la veelu nda mì la soo nda, yɔŋii niaa cua hakio le sɔɛi niaa kɛɛ nda-e.

Matie 18:21

O kon mí Piɛr sɔɔnguu, mó dimi aa: «Maalii, te puapilɛ nuu cua pɛ hakio a ya, vɛ̀ɛ̀ kpɛ́ ya bɛnda yɛ mì mal ndu haki? Vɛ̀ɛ̀ bɛmbɛ leŋɔmmɛw ni?» Mí Yeesu mulul ndu aa:

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Efɛsea 5:15

Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua.

Tɔŋ miingua 4:15

«La mandan taw le niaa pila, kani la ci levundu oo levundu paale Mɛlɛka soo o niaa lo o pembei Horɛb coo o yinnden tɛɛn-nden te.

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Tɔŋ miingua 4:9

«Kɛ niaa yɛ, la caa le niaa pila, la mandan, yɔŋii niaa pɔɛɛnun dɛnnda niaa ce a lehɔl mí la yɔŋnun seiya le lan-ndan. La mandan dɛnnda lan o lakɔl le fɛɛn a fɛɛn, la pɛɛku cuavaa niaa a cuavaa niaa imamaa lan.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Nsaki 5:19

Puapilɛ nia, o niaa tɛɛn, te vanndo pum luɛi pɛ o pɔwlan nin, mò faŋan o toɲaa coo, mì vana celen mingi ndu o toɲaa coo,

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.