Luke 16:8 - BII BILA

⁸ Mí vana bɛndoo lisa vana mandaa bolofaa kɔlkalu vɔɔndo ho le taasi o tosa-o. Kani vanaa co o ceendo ho coo-a hiow caa hɛlihɛlinndo nda pila tɛɛn o dɛnndan nin a vanaa co o masale halataa len nin-nda.

Luke 16:8 Iomraidhean Croise

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

2Samiɛl 13:3

Kɛ Amnɔn ndóò nɔ caan ndɔ piaandoo pum diolan Yonadab, po Simea, puapilɛ David-o o va ni. Nduyɛ vana kɔlkaloo pila Yonadab kon va ni.

2Masaa 10:19

Lelan la veelu vanaa-tɛɛngaa-diom Baal-la kpow, vanaa ndɔa soolaa a vanaa-solia-lasálàà ndɔa kpow. Vana-vana bɛnda mò lo kɔɔli le. Kani i yeema mì solul Baal sálà bɛndoo. Vana-vana lo pɛ le hunɔɔ, ndu sɔlanin piɔ́mndo.» Nduyɛ, baa Yehu va nda keiyo o mundu ni, haliko mi ndóò diw vanaa co Baal sooloo-a kpow.

Condii lisai 17:14

Mɛlɛka, baŋa ya vanaa vɔɔnda ha o ba a ba nɔm kpaaya, vanaa ceenda ha, à vɔ̀ngɔ̀ ndaa co o ceendo ho coo-a pɛɛn. Pimi nda a sanga n kɛsi le nda-o, mì poaa ndaa bɛɛ pim sanga kon, mà mel poaa ndaa imamaa sanga kon vɔ́yɔ́ɔ́.

Fulaa 1:10

Lelan, n nuwvian taasio a dɛnɛ ndaa o kɔɔ, yɔŋii nda lo kui bɛndoo ho. Kani vannda bɛɛ hinul naa a cɔwvo ni, à nɔla mà del yaamɔaa naa kan kɔɔli le naa cɔlɔbaa, o kon à faŋan o lɛŋnde naalen nin.»

Talelan 12:8

Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.

Matie 12:32

Te vanndo dimi pɛ diomnde vɔɔnnden a Po vanacieo, o malnun haki le ken, kɛ vana-vana solin pɛ diomnde vɔɔnnden o sondo a Hala Kɔl-Diandaa, ò sɔla hakio malɔɔ o lɛŋnden coo nanu le, ò sɔlanin vɛlɛ hakio malɔɔ o ceen co laci-o nin te.»

Matie 17:26

Mó mulul ndu aa: «Mialla o ba nda bii ni.» Mí Yeesu dimul ndu aa: «Mɛɛ kon co dimio ni maa pilaciea nda co lecoo le!

Luke 16:10

Vana sandu pɛ o dɛnnda pɔmbɔlan nin, mɛɛ o sandunin vɛlɛ o la bɛndulan nin. Vana sendu o dɛnnda pɔmbɔlan nin te, mɛɛ o sendunin vɛlɛ o la bɛndulan nin te.

Luke 16:4

Àá! I sina ɲɛ ya co tosa-o. Telen o solinin ya o fondaa ho-o, vannda kɔ biinin ya o la nda lo.›

Luke 16:7

O kon kɔɔli, mó ɲuna o pilɔɔ aa: ‹Nɔm yɛ, vɛ̀ɛ́ n nɔ yɛ le salaa?› Mí ndu dimul ndu aa: ‹Maalon panio kɛmɛ.› Mó dimul ndu aa: ‹Má cè sɛbɛ lesei nɔmndo! Sɛva panio belaŋɔmaa.›

Luke 18:6

Mí Maalii hiaw laci a sɔɛi, mó dimi aa: «La tuei-yɔ o vana kialaa n'yama lakafaa ho dimio!

Luke 20:34

Mí Yeesu mulul nda aa: «Vanpiaandua co vanlaandua yilɔɔ o nɔlan o ceendo ho coo nanu.

Luke 20:35

Kɛ vanaa Hala ke dio le tendullo fulaa ciee-piɔ́m, mà luɛi o ceen co hunɔɔ-o nin-nda, nda yilnin n'laandu le, a celnin o lanɔ le.

Nsaŋ 12:36

Telen niaa nɔ vɔ ɲɛ-tengaa-o, la laalan ɲɛ-tengaa, haliko mi la siŋnun cuavaa ɲɛ-tengaa.» Yeesu ciiyo sɔɛi lende, mó kɔannun, mó kɔ viannun nda lándán.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

1Tesalonikea 5:5

Niaa kpow, ɲɛ-tengaa a paalen niaa co ni. La co maɲum te, te kon te ɲumma bɛnduan.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.