Luke 16:22 - BII BILA

²² Paale pilɛ, mí vana bala fondo kon vu. Mí mɛlɛkaa yaa ndu Abraham ikɛi. Mí vana bolofaa bɛɛ vu, má kumbu ndu.

Luke 16:22 Iomraidhean Croise

SƐBƐ YƆB-O 21:13

O dɛnɛ kɛndɔɔ nin nda co ceen ndaa kpede tosaa ni, o kon a kɔɛnnun vɛlɛ ciee-piɔ́m a kɔlɲuloo.

Talelan 14:32

Dɛnɛ vɔɔn vana kɔlvesɛiyo tosa-o tɛɛmbuu ndu ni, kɛ vana sandaa ndu nɔ kɔlkɛsiaa hali o piɔ́mndo hɔl-ndɔ.

Vana Kɔlkaloo 8:10

Mí ca vannda biisila vanaa yɔŋ vɔɔnda tosaa, vanaa yɔŋ vɔɔŋaa kan yɛ, a va kɔlan o Cɛi-Hala-o nin, mí vannda pɔɛɛnun o kobio yerusalɛm nin mɛɛ vanaa kan ndáà kela yɛ. Kon vɛlɛ bɛɛ sanga fondoo fúú.

Esai 14:18

A toɲa, masaa vanaa-mangalaa-isɔɔa kpede a co ihini o sɛila ndalan nin a biilu ndaa.

Esai 22:16

«Yɛɛ nɛ n nɔ yɛ nanu? Vanayɛi súú yɛɛ n nɔ yɛ nanu? Le sabu yɛɛ nɛ n co yɛ nɔm pila sɛiyo tuwnɔnndo o fonda yesaa coo? Le kɔlɔ yɛɛ nɛ n co yɛ yiyaa nuwviaa o soondo nin lɛŋ?

Matie 18:10

La mandan le cuaambɔa pɔmbɔa vaa nuaa o pilɛ pɛɛsaa. Kani i co niaa dimul, mɛlɛkaa ndaa co Fuɲa ni co o halataala-o hɔlla tofaa o halataala tuŋ-tuŋ.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Matie 8:11

Mì dimul niaa, vanaa bɔɔ-bɔɔ a fulanin a ba paalen le can-ndo a á ba paalen le del-lo, mà de o tabali pilɔɔ nda Abraham, Isaak a Yakɔb o masale halataala len nin.

Marke 8:36

Vanacieo sɔla bɛɛ ceendo kpede, kɛ te yoomu ndɔɔ hɛlun ndu pɛ, ɔ́ɔ̀ tɔnɔ o sɔla-o?

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Luke 16:21

Yeemɛi va ndu le kúún va delio o tabali vana bolofaa-on dioo. Kɛ tunnda va hunɔɔ pavii ndɔɛi deembuuo.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

Nsaŋ 21:20

Piɛr mulinndo, mó cannun kaandennɔ Yeesu ndóò kaola-o nda kɔɔli, ó va o sɛɛŋan Yeesu o ibuŋ telen nda va ɲɛdiaa icɔllo dioo mi ndóò ɲuna Yeesu-o aa: «Maalii, nɛ̀ɛ́-nɛ̀ mal-lɛnin nɔm vannda o ba?»

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

Nsaki 1:11

Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»