Luke 16:16 - BII BILA

¹⁶ Kandɔɔ o telen Moise-o, keiyo a telen vanaa-tɛɛngaa-diom Hala-a, kɔlan tiiyaa háá o telen Nsaŋ Vana yinaa-o, sɔɔn tɔŋndon va diminndo ni. Cɔn nin a telen kon, vannda co Yoongu Kɛndɛ Masale Hala len dimio. Nduyɛ, vana-vana co kindinndo le luɛyɔɔ o Masale len nin.

Luke 16:16 Iomraidhean Croise

Matie 10:7

La va pɛ kɔlan, la kei vannda diomndo ho tɛɛngul nɛi-tɛɛn maa masale halataala len le co nin le tiiyaa.

Matie 15:11

O co ɲɛ luɛì vanacieo o sondo-o le nɔɔliaa ndu le. Kɛ ɲɛ fulà ndu o sondo-o, ndu nɔɔliaa vana ni.»

Matie 21:32

Kani Nsaŋ hin o niaa lo, mó hun cɔm niaa nɛi sandaa, kɛ la laalan ndu le, kɛ mí vanaa biyaa mulua a vanaa suundaa laalan ndu. La ce dɛnnda lan kpow, kɛ la mel yɔŋ vɔɔndo mì la laalan ndu le.»

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Matie 4:17

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Marke 1:14

Mɛɛ nda bii Nsaŋ, mí Yeesu kɔannun Kalile. Mó va yondaa a Yoongu kɛndɛ Hala-o o kɔɔ,

Marke 1:45

Kɛ langbanɔ kon fulaa dɔ́ɔ́, mó kandu ndi keelaa a yondaa le vannda ndi dimullo. Le kɔlɔ kon, Yeesu ndóò nɔla lɛ luɛyɔɔ o kobi oo kobi nin te, fɔ o vionnɔnndo nin. O cieon kɔɔli, o lɛŋnde veselɛilen nin ndóò lo nin ni, mì vannda ndáà fula nɛɛ-nɛɛ ka le kɔlan o ndu lo.

Luke 10:11

‹Cundu co o niaa lo ciee nanu-o bɛɛ, n co ndu koŋɔɔ mò faŋan naa o n'pelu. Nduyɛ, la sina maa Masale Hala len le sɔɔnguu niaa ikɛi.›

Luke 10:9

La singi vanaa lanàá co lon-nda, mì la dimul nda aa: ‹Masale Hala len le sɔɔnguu niaa ikɛi.›

Luke 16:29

Mí Abraham mulul ndu aa: ‹Sɛbɛla Moise nda vanaa-tɛɛngaa-diom Hala-a sɛva lan la co nda ikɛi lon, o bɛnda mà bii sɔɔn co n sɛvaa lenin-ndon.›

Luke 16:31

Mí Abraham dimul ndu aa: ‹Te a tui Moise a vanaa-tɛɛngaa-diom Hala-a diom te, mɛɛ vanndo fula bɛɛ vanvílɛ́iya tɛɛn, a laalannin ndu le.›»

Luke 9:2

Mó viam nda vannda pɛɛkoo a masale Hala len o kɔɔ a le vanaa lanàá singio.

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Nsaŋ 11:48

Te n mal pɛ ndu lende, vannda kpede a co ndu laalan, o kon mì Rɔmnda hun tɛɛmbuu fonda naa diandaa a lɛŋnde naalen.»

Nsaŋ 12:19

O kon mí Faliisia dimulan aa: «Kámáá la ce le! La tiwnin ɲɛ-ɲɛ ba le. La tofa vɔ mɛɛ vannda kpow a del ndu kɔɔli yɛ.»

Nsaŋ 5:4

kani mɛlɛkanɔɔ pum va tolɔɔ a telenndan lapum o mɛmma man nin le man biiŋoo. Vana-vana óò tol pɛ tase o mɛmma biiŋuamma man nin, ndóò sengu, mɛ̀ɛ́-mɛ̀ɛ́ naa kon ndóò va].

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.