Luke 16:1 - BII BILA

¹ Mí Yeesu dimul vɛlɛ kaandeŋaa ndɔa aa: «Vana bolofaa pum ndóò nɔ vana mandaa bolofaa. Mí vannda lɔalu ndu o vana bolofaa kon-ndo maa o co bolofaa ndɔɔ tɛɛmbuuo.

Luke 16:1 Iomraidhean Croise

O Kandɔɔ 15:2

Mí Abram ɲuna ndu aa: «Maalii Hala, yɛɛ n co yɛ ya yɔngu? Má cè ya kɔnndan! Kɛ i co hɔ́ɔ́ mɛi le, Eliesɛr fula Damas-o loonin ɲɛm nun kpow kɛ́ɔ ni.»

O Kandɔɔ 43:19

Má sɔɔnguu vana va cɛi Yosɛf-o hɔlten coo-o ikɛi o cɛiyo sondoo,

1Dɛnnda lemasalan 28:1

Mí David yoongu simlacia Israɛlla kpow le cuungianndo Yerusalɛm ciee, simlacia kan yɔŋnun haa ni: vanaa va bolii lapangɛi o polama Israɛlla coo-a, kuubaa va kundala vanaa cɔvaa va baalaa tosaa masaa ikɛi-ya bollen-nda, kuubaa va kundala n'van vàá-vàálan a kundala n'van kɛmɛ-kɛmɛlan bollen-nda, simlacia vanaa va bolofaa a cɔlua va le masaa a le poaa ndɔa-a mandaa-a, langbaa kɛsun kálàá va o cɛi lemasaa nin-nda, kuubaa cɔvaa mayoomua a vanaa tɔ́ɔ́ bɛndua kpow.

Talelan 18:9

Vana co baala ndɔɔ saalan too, nda vana co ndu tɛɛmbuuo-o, yungu pilɔɔ nda co ni.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Matie 20:8

Paalen delɔɔ, mí vana nakɔɔ dimul vana ndɔ mandaa bolofaa aa: ‹Veelu vanaa baalaa mà sala nda. A kandu pɛ a vanaa mɛɛlu lakɔ-a a kɔ mɛɛlu a vanaa tasea kɔɛ-a.›

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Luke 15:13

Palɛi bingi o kon kɔɔli, mí o pɔmbɔɔ kon mɔɔsiaa ɲɛm ndɔn kpow, mó kɔannun o lɛŋnden nin, mó kɔ tɛɛmbuu bolofaa ndɔɔ o laasianndo nin.

Luke 15:30

Kɛ mɛɛ po nɔm cii hoo bolofaa nɔmndo tɛɛmbuu vanlaandua suundaa kɔɔli-o hin, má dii naw téndé celulɛiyo.›

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 16:2

Mí vana bolofaa kon veelu ndu, mó ɲuna ndu aa: ‹Vɛ̀ɛ̀ ya co yɛ tueyɔɔ a nɔm o kɔɔ? Downun ya kona, kani a manda lɛnin bolofaa nuu le.›

Luke 19:20

Mí o pillo hun, mó dimi aa: ‹Vana bɛndoo, má cè sianii nɔmnde. Á kolaa yáà simbulu ndi ni, mí manda ndi kpáŋ.

Luke 8:3

Yoana lanɔɔ Kusa, Kusa va vana pilɛ o vanáà nɔ hɔlten o ɲɛm Herɔde-on coo-a tɛɛn, Susane a vanlaandua celen sɛ́lɔ́ɔ́ taw. Vanlaandua haa a va Yeesu nda kaandeŋaa ndɔa malaa a ɲɛm ndan sɔlan ni.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Nsaki 4:3

La co ɲunaa, kɛ la co sɔla le, kani la co caa ɲunaa le, le yeemɛi niɛi tosaa daama niaa co ɲunaa ni.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.