Luke 15:7 - BII BILA

⁷ Lende vɛlɛ koni, mì dimul niaa, te vana yɔŋ vɔɔndo o pilɛ mal pɛ yɔŋ ndɔ vɔɔndo, lende koni ɲaale bɛndoo vanin o halataala, mò hiow ɲaale vanaa sandaa belaŋɔmahiɔɔlu a ŋɔmahiɔɔlua a nɔ lɛ mako le mangalan te-a ni.»

Luke 15:7 Iomraidhean Croise

Talelan 30:12

Vanaa pum a yiyan maa a co a diandaa, nda yɛ a pilun bɛɛ a nɔɔla co nda-o le.

Matie 18:13

I co niaa toɲaa dimul, te o saalun pɛ ndu, o dɔwnun ɲaale le saa pilɛ kon hiovɔɔ ɲaale o dɔawnun le saa belaŋɔmahiɔɔlu a à ŋɔmahiɔɔlua lo le-a-o.

Matie 3:8

Mɛɛ la cɔm niko o dɛnnda niaalan nin maa la mangalan lekɛ́ndɛi dɛ!

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Luke 15:29

Kɛ mó mulul fuɲa ndɔ aa: ‹Vɔsilan ndan kpede, i co nɔm baalaa tosallo, i kɛɛ nɔm diom tueyɔɔ le. A kon kpede, lepilɛ bɛɛ a soli hali cuin cuaa mì tosa kɔlkɛndɔɔ naa caaŋaa nia le.

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Luke 15:6

o muungu o ndu lo. O kon kɔɔli, o kɔ veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun saa ni óò lo-o.›

Luke 15:8

Mí Yeesu hiaw laci a sɔɛi, mó dimi aa: «Te kon te, te vanalanɔɔ pum nɔ pɛ volin latámán tɔ́, mì voliei ipilɛ i lo, vɛ̀ɛ̀ o co fitinaa le o mɛndul, mò bɛɛsuu cɛiyo, mò nuwviaa ɲɛkɛndɛi háá mò saalun volii ken te?

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Luke 5:32

O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

Rɔmnda 7:9

Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,