Luke 15:5 - BII BILA

⁵ Te o saalun ndu pɛ, o handun ndu o congú a ɲaaloo,

Luke 15:5 Iomraidhean Croise

Esai 62:12

A veelunin nda aa vanaa diandaa, vanaa Mɛlɛka baŋa-a, nɔm (Yerusalɛm) yɛ, a veelunin nɔm aa: ‹Kobi nda co nuwviaa-o. Kobi co o malnan too›».

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Esai 63:9

O sangala ndalan kpede nin, (sangala yɔŋnun maa ɲɛ kindilaa hali le ndu pila lan), mí Mɛlɛka nɔ co ndu o hɔl-lo ciindiaa nda. O kaola ndɔɔ a o ɲíí ndɔɛi nin, mí ndu pila baŋa nda, mó mala nda, mó siilun nda o palɛi hiow paandu-e kpow nin.

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Misee 7:18

Hala kuɛɛ nɛ co yɛ maa nɔm Hala, ó vɔɔsuu haki cuavaa ndɔa-o, ó mal nila kalula vanaa ndɔa lo yoomu-a haki-o? Kɔl nɔmndo lo o tuw le fɛɛn a fɛɛn te. Kani ɲííye vannda tuinɔnndo hɛnan nɔm ni.

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Luke 15:32

Kɛ mɛɛ mì n tosa kafoo, mì n dɔwnun ɲaale, kani pɔmbɔ nɔm hoo ndóò vi, kɛ o muungu yoomu. Ndóò lo, kɛ o cennun.›»

Luke 15:4

«O niaa tɛɛn, te vanndo nɔ pɛ saa kɛmɛ, mì o pilɛ lo, vɛ̀ɛ̀ o co saa belaŋɔmahiɔɔlu a ŋɔmahiɔɔlua le o mɛi-yɔ yondoo nin, mò kɔɛ o lo kon-ndo nuwviaa háá mò saalun ndu le?

Luke 15:6

o muungu o ndu lo. O kon kɔɔli, o kɔ veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun saa ni óò lo-o.›

Luke 19:9

O kon mí Yeesu dimul ndu aa: «Vanaa co o nɔm ndo cɛinin nanu-a sɔla hau cindaa. Kani nɔm bɛɛ, o polale Abraham-nden nin n fula ni.

Luke 23:43

Mí Yeesu mulul ndu aa: «A toɲa, mì dimul nɔm, hau-hau, a vanin ya ikɛi o haliyɛnɛ.»

Nsaŋ 15:11

I dimul niaa ndi lende, haliko mi ɲaale nuu va niaa o kɔl, o kon mì ɲaale niaa peelun.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Efɛsea 3:7

I siŋnun vana vallo le vannda Yoongu kɛndɛ kon dimullo. Hala tosal-la kɛndɛi o kpaaya ndɔɔ bɛngu.

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

2Timote 2:26

o kon mà muungu o nda pila nin, mà hɛlun yaŋɔɔla nda va nin-ndan, la ɲina vɔɔndo toosiaa haliko mi ndáà tosa yiyan ndɔɔ lan.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.