Luke 15:4 - BII BILA

⁴ «O niaa tɛɛn, te vanndo nɔ pɛ saa kɛmɛ, mì o pilɛ lo, vɛ̀ɛ̀ o co saa belaŋɔmahiɔɔlu a ŋɔmahiɔɔlua le o mɛi-yɔ yondoo nin, mò kɔɛ o lo kon-ndo nuwviaa háá mò saalun ndu le?

Luke 15:4 Iomraidhean Croise

Condii lisai 119:176

I co kelanndo maa saa lo-o, nuwviaa ya, ya vana baala nɔmndo, kani i co tɔŋnda nɔmndan pɔɛɛnɔn te.

Esai 53:6

Naa kpow n va laasianndo nɛɛ-nɛɛ ka maa n'saa, vana-vana va kɔlan pemale ndɔ kɔɔli, kɛ mí Mɛlɛka tuisi tɛɛmbuu naa kpow ndu coo.

Yeremi 33:13

Saa hiawnin vɛlɛ o ba vana cɔm nda-o bɛngu, o kobila co o pembon coo lan nin, la co o dɛngbɛlan nin-ndan nin, la co o tàndàá Nekɛv nin-ndan, o tàndá Bɛnyamɛn-ndo nin, Yerusalɛm balɔɔ a o kobila Yuda lan nin.» Diom Mɛlɛka dimi-o co kon ni.

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Esekiɛl 34:31

Niaa saa nia, niaa saa co o hòóla nilan nin-nda, vanndacieea niaa co ni, ya co Hala niaa ni. Ya Maalii, ya co Mɛlɛka-o soo nuaa ni.»

Esekiɛl 34:4

La luei saa nɔ mayoomu le-a yoomuan te. La cɛw a va a nààlan-nda le. La hol pavii a yɔŋulun-nda le. La mingi a va laasianndo-a a tɔ̀a coo le. La nuwviaa a luusian-nda le, kɛ mí la cal nda coo a kpaayaa, a paa-kala.

Esekiɛl 34:8

Diom Maalii, o co Mɛlɛka-o dimi-o co hoo ni aa: «Le yoomu nuu, le tùú saa nia siŋnun pungapungaa-o, le tùú saa nia siŋnun balo visia biyaa yondoo nin le vana mandaa n'saa lepɛŋndo-o, le tùú vanaa mandaa n'saa nia a kɛɛ le hɔlla landɔɔ saa nia coo-o, le tùú vanaa mandaa n'saa va nda pila baloo dɔwnɔnndo má kɛɛ le saa baloo dɔvɔɔ-o,

Matie 12:11

Mí Yeesu mulul nda aa: «O niaa tɛɛn, ɔ́ɔ̀ vana nɔ saa ndu pilɛ, mì saa kon del o soondo nin o paale pɛngiaalen coo, mò kɛɛ ndu biyɔɔ le ndu solio-o?

Luke 13:15

Mí Maalii mulul ndu aa: «Niaa vanaa muuluannda ha! Niaa a pilɛn-pilɛnnda, vɛ̀ɛ̀ la timbi navaa niaa a sofɛlɛa niaa nɛɛ niaa dow nda billo-a o paale pɛngiaalen coo le nda koesio le.

Luke 15:3

O kon mí Yeesu dimul nda taloo ho aa:

Luke 19:10

Kani Po vanacieo hin le vanaa va o lou nin-nda nuwviaa, mò ciindiaa nda.»

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

1Piɛr 2:25

Kani maa saa luusian-nda niaa va ni, kɛ sunsun la muungu vana co niaa mandaa-o o ibuŋ, ndu co kɔlta niaalan mandaa ni.