Luke 15:22 - BII BILA

²² Kɛ mí fuɲaa dimul vanaa ndɔa baalaa aa: ‹La hun a doma kɛndɛ-kɛndɔɔ cɔ́-cɔ́, mì la vow ndu. La vow ndu kelɛi o isu, mì la vow ndu samtalan.

Luke 15:22 Iomraidhean Croise

O Kandɔɔ 41:42

Mí Faraɔnnɔɔ solin kelɛi o isu, mó vow Yosɛf, mó vow ndu volɔɔla kolala keesela kɛndɛ-kɛndɛlan, mó vow ndu yɔlɔn n'sianion o labolo.

Ɛstɛr 3:10

O kon mí masaa solin kelɛi o isu, mó yɔngu Haman po Hammedata fula o polale Akak len nin-ndo, ó va kon yaamɔɔ Yuifia-o.

Ɛstɛr 8:2

Mó soli kelɛi ndɔɛi ndóò poonda Haman o ba-e, mó ke Mardosee. Mí Ɛstɛr handu vɛlɛ Mardosee ɲɛm Haman-ndon bollen.

Condii lisai 132:16

I cuɛinin vanaa-solia-lasálàá co lenin-nda cindaa, vanaa ndɔa lo o lediom coo-a yondanin a ɲaaloo.

Condii lisai 132:9

Màá vanaa-solia-lasálàà nɔmnda cuɛinun cindaa maa lavolɔɔ, mì vanaa lo o lediom coo a nɔm-nda yonda a ɲaaloo!

Condii lisai 18:33

Hala co ya kpaaya yɔngoo, o co nɛila nilan sɛndio ya laci.

Condii lisai 45:13

Vannda Tir cuunin nɔm ɲɔɔn, vanaa bolofaa cuunin nɔm ɲɛm kɛndɔn le nɔm hɛnanndo.

Condii kɛndɛ-kɛndɛi 7:1

«Muungu nanu mbɔ̀, muungu nanu, Sulamite! Muungu nanu, muungu nanu mì n mɛɛndan nɔm! Yɛɛ niaa nɔ yɛ o Sulamite tofaa nin, maa yola condun miun o lepilɔɔ?

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

Luke 15:23

La hun a naw téndé celul-lo, mì la dii ndu, mì n dennun, mì n dɔwnun ɲaale,

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Kalatea 3:27

Niaa kɛ́-kɛ̀ sɔla yinɔɔ o Krista nin, la cuu siŋnɔn velan ndɔɔ.

Efɛsea 6:15

La vownun dialun fulan maa lasamta le kɔlan vannda Yoongu kɛndɛ yɔngu vana kɔlɲuloo-o tiiyallo.

Tɔŋ miingua 33:25

Màá sɔkɔma niaan ma va a cilinndon a á daɲan! Màá yoomuan ma lo niaa o n'dial háá piɔ́m niaa!»

Dɛnnda cɔɔmuanndan 19:8

A yɔngu ndu volɔɔla cuɛinannda kola keese fɛtufɛtu lan, kola keese fɛtufɛtu ŋɛlɛngi-ŋɛlɛngio pɛɛn.» (Kola kon co yɛ dɛnnda sandaala vanaa diandaa Hala-a ni.)

Dɛnnda cɔɔmuanndan 2:17

Vana nɔ pɛ nilan, mɛɛ ndú tuéi ɲɛ Kɔl-Diandaa co vanaa laalannda dimullo-o. Vana nɔlanin-nda, i kenin ndu manne vianaa a pow humboo, pow diola sɛnɛila lasɛvaa coo-o, vana-vana sina diola lan te fɔ vana sɔla lan-ndo.›»

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

Dɛnnda cɔɔmuanndan 6:11

Mí doma bɛndu humboo yɔngun vana-vana o nda tɛɛn, o kon má dimul nda maa a cum ɲɛ-pɔmbɔ, háá mi caaŋaa ndaa nda tosa baala pilɔɔ-a a puapilɛa ndaa nda va hunɔɔ diyɔɔ maa nda-a ndáà siow bɔŋa.

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.