Luke 15:18 - BII BILA

¹⁸ I co cɔnɔn, mì muungu o fuɲa nuu lo, mì dimul ndu aa: Pua, i cua hakio a Hala a á nɔm.

Luke 15:18 Iomraidhean Croise

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

Talelan 23:13

Vo le hɔ́ɔ́ nɔmndo saangiaa le ndu mingio o nɛi le, bandìla ndu bɛɛ a sionnden o vinin te.

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Cɛɛŋɔnnda Yeremi lan 3:29

O bɛnda mò tuisin háá mò mal sondo o cundoo nin. Bɔɔle mò sɔla kɔlkɛsiaa le ken.

Cɛɛŋɔnnda Yeremi lan 3:40

N mɛɛndian ndɔ kelala naalan, n dɔwnun-ndɔ lan taasi, o kon, mì n muungun Mɛlɛka o ibuŋ.

Daniɛl 4:26

Kani paangon tɔ́ a n'miun hiovɔɔ, o va balɔɔ o cɛi ndɔ bɛndu lemasaa coo Babilɔn,

Yonas 2:4

Nɔm óò viow ya o soon nɔ lamɛɛlu loo nin, o mɛmma ihɛllan bɛngu, mí tindima mamɛnndan máà balu ya sɔ́, mɛmndan ma va tolɔɔ a yoomuan ya coo.

Yonas 3:9

Bɔɔle mì Hala ɲulul kɔl, mò yiyan le ɲɛ o dimi le tosaa-o mangalaa, o kon mì kɔl ndɔ tuwvo ɲulul, yɔŋii naa n cuu.»

Matie 3:6

má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.

Matie 6:14

Kani te la mal pɛ vannda haki le tɛɛmbuula ndalan, Fuɲa niaa co o halataala-o bɛɛ malnin niaa haki.

Matie 6:9

Lelan mɛɛ niaa bɛnda mì la piɛi yɛ co hoo ni aa: ‹Fuɲa naa co o halataala-o, màá vana-vana sina maa ladiandaalan diola nɔmndan la co ni!

Matie 7:11

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

Luke 11:2

Mó dimul nda aa: «Telen niaa co va piɛilen-ndo, la dimi aa: Pua, màá vannda sina maa Hala Diandaa n co ni. Màá masale nɔmnden le hun.

Luke 15:17

O kon, mó kandu yiyanndo, mó dimin o kɔl nin aa: ‹Vanaa baalaa co fuɲa nuu o ba taw, a co ɲɛdiaa dioo, a co cii le, mì ya ya i va vuo a yiaan nanu nuaa!

Luke 15:19

I nɔ lɛ di ma veelu ya aa po nɔm te. Bii ya maa vana nɔm baala.›

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

Luke 18:13

Mí vana biyaa muloo ndu sim levil pɔ́, o tiw bɛɛ ba hɔlla cuaa mo tofa o halataala le, kɛ mo va buŋnde lɔɔnɔnndo a dimio aa: ‹Hala, tuinun ya iɲíí, kani vana lahakio ya co ni.›