Luke 15:13 - BII BILA

¹³ Palɛi bingi o kon kɔɔli, mí o pɔmbɔɔ kon mɔɔsiaa ɲɛm ndɔn kpow, mó kɔannun o lɛŋnden nin, mó kɔ tɛɛmbuu bolofaa ndɔɔ o laasianndo nin.

Luke 15:13 Iomraidhean Croise

Condii lisai 73:27

Vanaa co nɔm Hala faaŋianndo-a co yoomu ndaa ciiyo, vanaa co kɛɔ le lou o lediom coo a nɔm-nda co tambei.

Talelan 18:9

Vana co baala ndɔɔ saalan too, nda vana co ndu tɛɛmbuuo-o, yungu pilɔɔ nda co ni.

Talelan 21:17

Vanndo nɔ pɛ yeeman taw, pɛŋnden le co mial ndɔ ni. Vanndo kaola pɛ mɔiyan a pululen, ndu siŋnùn vana bolofaa le.

Talelan 21:20

Bolofaa sɔvɛɔ a ɲɛm kɛndɔn co taw o vana kɔlkaloo lo cɛinin. Kɛ diɔm sondo vesɛiyo ndu, laasiaa o laasiaa ɲɛm ndɔn ni.

Talelan 27:8

Maa yow co kelanndo vɛɛnnde ndɔlen levil-lo vana kɔɛ kaunalen lɛŋnde ndɔlen levil-lo co ni.

Talelan 28:7

Hɔ́ɔ́ bii silalan-ndo co hɔ́ɔ́ taasio ni, kɛ vanndo holnun pɛ vanaa laasiannda, o tuisi fuɲa ndɔ siɛmbulan.

Talelan 29:3

Vanndo kaola pɛ kɔlkaloo, o nɛŋi fuɲa ndɔ kɔllo, kɛ vana del pɛ vanlaandua suundɛiya kɔɔli, ndu laasiaa kɛ́ ndɔɔ.

Talelan 6:26

Vanalanɔ suundɛiyo ndu, o hìnì kɔl a volion ɲɛ-pɔmbɔ. Kɛ vanalanɔ co o nɔu-vo ndu, yaŋɔɔlen o hendul vana le yoomu nɔmndo ciiyo ni.

Esai 1:4

Lelan, dɛnɛ palaa co le niaa vanaa tosaa lahakia, dɛnɛ palaa co le niaa vanaa pɛ a hakilan-nda, le niaa vanaa kɔlvesɛiya, le niaa cuavaa laasiannda. Kani la faŋan Mɛlɛka o ibuŋ, la pɛɛsa O-Diandaa Israɛlla, la mulul ndu kɔɔ mí la muungun a makɔɔ.

Esai 22:13

Kɛ o tosa lɛnin lende le, la tofa vɔ, o yɔngunin niaa kɔlkɛndɔɔ a ɲaaloo! Vannda kialunin nawva bololan ma diw saa, a dianin vision ma kol mɔiyan. A diminin aa: «N dionnun ɲɛdiaa mì n kolnun man bɛ́lɛ́-bɛ́lɛ́, kani vuo naa n co siɔdii ni!»

Esai 30:11

La faŋan o nɛi kpeekpeiyo coo, la mal nɛi sandaa mí la sei. La faŋa O-Diandaa Israɛlla naa o hɔlla!»

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Misee 6:3

O dimul nda aa: ‹Niaa vanaa nia, yɛɛ nɛ ya yɔŋ yɛ niaa? O yɛɛ nin ya saangiaa yɛ niaa? La mulul-lɔ ya!

Luke 15:12

Mí ó va cuaambɔɔ-o dimul fuɲa ndɔ aa: ‹Pua, ke ya kɛ́ nuu.› O kon, mí fallo piɔw nda kɛ́ɔ tɛɛn.

Luke 15:14

Mɛɛ o cii ɲɛm ndɔn kpow tɛɛmbuu, mí yima fofolan ma luɛi o lɛŋnde len nin, mí pɛŋnden le kandu ndu biyɔɔ.

Luke 15:30

Kɛ mɛɛ po nɔm cii hoo bolofaa nɔmndo tɛɛmbuu vanlaandua suundaa kɔɔli-o hin, má dii naw téndé celulɛiyo.›

Luke 16:1

Mí Yeesu dimul vɛlɛ kaandeŋaa ndɔa aa: «Vana bolofaa pum ndóò nɔ vana mandaa bolofaa. Mí vannda lɔalu ndu o vana bolofaa kon-ndo maa o co bolofaa ndɔɔ tɛɛmbuuo.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Efɛsea 2:13

Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

2Piɛr 2:13

Lende nda sɔlanin sala dɛnɛ sandaa lepɛŋ nda tosa-o ni. Ipala déŋ ɲɔɔ hɛnan nda le yeemɛi ndɛi vɔɔnde peeloo ni, sɔɔn lasiɛmbon a sɔɔn bɛɛtambɛiyon kposon nda tosa ni: a cɛn pɛ a luɛi niaa coo o cuungiannda niaala diaalan coo, kɛ nduyɛ huiyo koni nda co niaa ni.