Luke 13:8 - BII BILA

⁸ Kɛ mí vana mandaa nakɔ kon mulul ndu aa: ‹Vana bɛndoo, mal-lɔ ndu le vosio ho. I co soondo balɔɔ tovɔɔ sɔ́, mì dɔw puulu sállo.

Luke 13:8 Iomraidhean Croise

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

Fulaa 34:9

Mó dimi aa: «Éé Maalii, te o va pɛ maa a ce ya ɲia lekɛ́ndɛi, mɛɛ i ɲɔɔlu nɔm, cɛl mì n kɔɛ naa niaa latulu, ma va naa tɛɛn. Ya bɛɛ, i sina nihau maa vanaa lanila kalua vannda ha co ni. Kɛ mal naa haki le tɛɛmbuu naa, le hakila naa n tosa lan. Bii naa mì n va cuavaa nɔmnda.»

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

Yɔɛl 2:17

Vanaa-solia-lasálàá co Mɛlɛka baalaa tosallo-a bɛnda mà sim o tongo-sɛmtɔɔ a fonda-loamaa-lasálàá tɛɛn mà caŋ taw. Mà piɛi nuaa aa: «Éé Mɛlɛka! Tuinin vanaa nɔmnda iɲíí, yandi. Tuisì vanaa co kɛ́ nɔmndo-a siɛmbulan te, yɔŋii vanaa-mangalaa-isɔɔa mam nda. Vɛ̀ɛ̀ ma tosa mì vannda ɲuna vanaa súúla celennda tɛɛn aa: ‹Kuɛɛ nɛ Hala ndaa co yɛ?›»

Luke 13:7

O kon, mó dimul vana va nakɔ n'rɛsɛn kon mandaa-o aa: ‹Tofa vɔ, vɔsilan tan yáá co hoo ni, i co hunɔɔ voosun koaman nuwviaa o vosoo ho coo, kɛ i co ɲɛ-ɲɛ komal te. Kiolu ndu. O bɛnda mò bii fondaa o lɛŋnden coo fúú le!›

Luke 13:9

Te o kom pɛ vɔsi co hunɔɔ-o, o naŋ. Te o kum yɛ le, a kelu ndu.›»

Luke 14:35

I nɛŋi lɛ ɲɛ-ɲɛ le, o va lɛŋ, o va o sál coo, mɛɛ mì vana viow ndi o bɛ́ɛ̀. Vana nɔ pɛ nilan le tueyɔɔ, mɛɛ ndu tuei.»

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

2Piɛr 3:9

Mɛlɛka tamala le sɔɛi o dimi-e peeloo maa mɛɛ vanaa pum a yiyan yɛ le. Biuvɔnndo o biwnun niaa ni, o yeema mì vana pilɛ bɛɛ lo le, kɛ o yeema mì vannda kpow a mangalan.