Luke 13:6 - BII BILA

⁶ O kon kɔɔli, mí Yeesu dimul nda vɛlɛ sandaa ho aa: «Vanndo pum ndóò nɔ voosu tumndo o tɔalaa o nakɔ ndɔ n'rɛsɛnndo nin. Mó hun vooson nuwviaa, kɛ o komal ɲɛ-ɲɛ le coo le.

Luke 13:6 Iomraidhean Croise

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

Yeremi 8:13

Mí Mɛlɛka dimi aa: «I yeema mi cii a nda, rɛsɛŋun ve lɛnin o rɛsɛn tumndo coo le, buumbun ve lɛnin o vosu tumndo coo le, pei simbulunnin, ɲɛ yáà ke nda-o hialunnin nda.»

Luke 13:5

Kɛì-kɛì bɛɛ! Mì dimul niaa, te la mel yɔŋ vɔɔndo mì la mangalan te, lende niaa bɛɛ sɔlanin piɔ́mndo ni.»

Luke 3:9

Cuei cuu nin toosiaa le puundun yɔmndo kilio. Yɔm oo yɔm kum komɔɔ kɛndɛ le, ndu kialunnin, mò viownun o yin.»

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

Masaa kialaa n'yamaa 9:11

Kɛ mí voosoo muli aa: ‹Niaa ca ko aa i mɛinin voosun nin kɛndɛn yeelɛiyon komɔɔ, mì kɔ cal saangianndo masalen tosaa yɔmii celen coo baa?›