Luke 13:4 - BII BILA

⁴ N'van tɔ́ a vanaa ŋɔmaa cɛi coocoo vilɛiyo del coo Siloe, mó diw nda-a yɛ, la laalan maa nda yɔŋnun vanaa yɔŋ vɔɔnda hiovɔɔ vanaa tɔ̀a Yerusalɛm coo ni?

Luke 13:4 Iomraidhean Croise

1Masaa 20:30

Mí vanaa tɔ̀a nda ɲaanun Afɛk ciee. Kɛ mí kpaki kobi kon kɔ komba nda coo, a va vaalan bidiin a laŋɔmmɛw (27 000). Mí Bɛn-Hadad pila ɲaanun, mó fula ciee, mó kɔ va vinivininndo o cɛilan nin.

Nehemi 3:15

Mí Salum po Kɔl-Hɔse-o, ó va masaa o tàndá Mispa-o coo-o ndu bɛɛndiaa Dio-pee-lebollo. Mó cɔaw ndu, mó handu koŋndan, sɔkɔan a ciliŋun vana kinda dioo-on. Mó mingi vɛlɛ cìì cɛi va o dalaa Siloe ikɛi-ye cɔvɔɔ, cìì cɛi va o nakɔɔ masaa nin-nde, tolɔɔ háá o kobi David-o nin.

SƐBƐ YƆB-O 1:19

mí hoeyii bɛndu-bɛnduei can a kpengii lɛŋnde veselɛilen, mí i lɔaa cɛiyo o kpengun hiɔɔlon, mó komba nda coo, má vu kpede. Ya pilɛ kpé hɛlun ni, mí sɔndan le nɔm hunɔɔ yoongoo ho dimullo.»

Esai 8:6

«Le tùú vannda ha a pɛɛsa mɛnndan Siloe-o, mɛmma connun man hiovɔɔ fɛ́ɛ́-fɛ́ɛ́-an, le tùú nda dɔwnun ɲaale le Resin a le po Remalia-o-o,

Matie 18:24

Ndóò kandɔɔ sɔɔn yaasiaa, má cuu ndu langbanɔ pilɛ fulaa o vanaa ndɔa baalaa tɛɛn, mí volion hel ndu taw-taw.

Matie 6:12

Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Luke 11:4

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Luke 13:3

Ɛ-ɛ. Mì dimul niaa, te la mel yɔŋ vɔɔndo mì la mangalan te, lende koni niaa bɛɛ sɔlanin piɔ́mndo ni.

Luke 13:5

Kɛì-kɛì bɛɛ! Mì dimul niaa, te la mel yɔŋ vɔɔndo mì la mangalan te, lende niaa bɛɛ sɔlanin piɔ́mndo ni.»

Nsaŋ 9:11

Mó muli aa: «Langbanɔ nda veelu hoo aa Yeesu-o linda puuloo ni, mó sui ya o hɔl, mó dimul-la maa ya kɔ pulun Siloe. Mí kɔa lon, mí pulun, o kon ya ce nuaa ni.»

Nsaŋ 9:7

mó dimul ndu aa: «Kɔ pulun o fonda mamɛnndo Siloe». Siloe kon co dimio ni aa: «Viomɔɔ». Mí vana sumɛi kon kɔa lon, mó kɔ pulun, telen o va muungoo-o, mó ca.

Dɛnnda kiilaa 28:4

Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.»