Luke 13:14 - BII BILA

¹⁴ Kɛ mí vana lebol va o cɛi lekaando nin-ndo tambu kɔllo le singi Yeesu singi vuɛɛn kon o paale pɛngiaalen coo-o. Mí vana lebol kon dimul vannda aa: «Palɛi ndii ŋɔmpun i co le vallo ni, la hun mì la sɔla siongɔɔ o palɛi ken bɛngu, kɛ o co o paale pɛngiaalen coo le.»

Luke 13:14 Iomraidhean Croise

Fulaa 20:9

La bɛnda mì la tosa baalaa o palɛi ndii ŋɔmpum bɛngu, mì la toosiaa kpekula niaalan kpow.

Fulaa 23:12

O palɛi ndii ŋɔmpum bɛngu, la tiwba mì la tosa baalala niaalan kpow. Kɛ o paale ŋɔmmɛwndɔlen coo, la bɛnda mì la tosa baala le, haliko mi navaa niaa a sofɛlɛa niaa sɔla pɛngio, mì poaa cɛa niaa laandua a mialaa co niaa o bɛngu coo-a sɔla vɛlɛ yoomuma sɛnɛi.

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Esekiɛl 34:21

Kani la ɲindu saa mɛsɛlɛiya kpow a lungbun niaan a congúla niaalan, mí la kundu nda a leela niaalan háá mì la sɛŋi nda o bɛ́ɛ̀.

Tɔŋ lasálàá 23:3

La nɔ palɛi ndii ŋɔmpum o lɔ́ɔ́ bɛngu le baalala niaalan kpow tosaa, kɛ paale ŋɔmmɛwndɔlen, paale pɛngiaalen le co ni. Paale len ya hɛli mí toosiaa le pɛngio ni. La bɛnda mì la cuungian le bɔŋan diandaa tosaa le ya biiloo. Fonda oo fonda niaa va pɛ icali, la bɛnda mì la tosa ɲinkon baala oo baala le, paale pɛngiaalen le co len le ya Mɛlɛka ni. La bɛnda mì la bii paale len.

Matie 12:2

Faliisia cɔu ken, má dimul ndu aa: «Tofa vɔ kaandeŋaa nɔmnda, a co ɲɛ bɛnda le tosa o paale pɛngiaalen coo loo tosaa.»

Marke 5:22

O kon mí vana pilɛ o simlacia va o cɛi lekaanndo nin-nda hun, diolan Sairus. Mó ca Yeesu, mó hun del ndu o labɛngunin,

Luke 6:11

Kɛ mí vanaa pɛɛkaa latɔŋnda a Faliisia tambu kɔl taw, má kandu ɲuunianndo le ɲɛ nda tosa a Yeesu-o.

Luke 6:7

Nduyɛ, vanaa pɛɛkaa latɔŋnda a Faliisia va mɛɛndanndo le sinaa te Yeesu ndóò singinin o paale pɛngiaalen coo, haliko mi ndáà sɔla tale nda kɔɔsal ndu len.

Luke 8:41

O kon mí langbanɔ pilɛ sɔɔnguu, ó va simlacinɔ cɛi lekaando-o, diolan Sairus. Mó del Yeesu o labɛngunin, mó tɛɛlun ndu haliko mi ndóò kɔɛ o ndu lo cɛinin,

Dɛnnda kiilaa 13:15

Ndáà ciiyo sɛbɛ tɔŋndo a sɛbɛla vanaa-tɛɛngaa-diom Hala-a dimio, mí simlacia cɛi lekaan kon dimul nda aa: «Puapilɛa naa, te la nɔ pɛ isɔɔ le vannda yoomuan lueiyo, mɛɛ la dimi.»

Dɛnnda kiilaa 18:17

Mí nda kpow a del Sɔstɛne, simlacinɔ cɛi lekaanndo coo, má lɔaa ndu vanaa kialaa n'yamaa o hɔl, kɛ Kaliɔn vowlul nda sondo le.

Dɛnnda kiilaa 18:8

Mí Krispis simlacinɔ cɛi lekaando nda yungu ndɔɔ kpow a laalan Maalii. Mí Korɛntea bɔɔ-bɔɔ a va Pol nilan yaŋɔɔ-a bɛɛ a laalan, má sɔla yinɔɔ.

Rɔmnda 10:2

Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Tɔŋ miingua 5:13

La bɛnda mì la tosa baalaa o palɛi ndii ŋɔmpum bɛngu, mì la toosiaa kpekula niaalan kpow.