Luke 12:42 - BII BILA

⁴² Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

Luke 12:42 Iomraidhean Croise

Fulaa 36:4

O kon mí vanaa kɔlkalua va baala cɛi-kola-toandaa kon tosaa-a mal baala nda va tosaa-o,

Talelan 12:8

Vana kɔlkaloo vannda candu ni, kɛ diɔm sondo vesɛiyo ndu, kuisinndo o kuisin vannda ni.

Talelan 15:23

Vanndo yala pɛ sɔɛi caa muli o dɔwnun ɲaale. Sɔɛi naŋ dimio o telen bɛnda-o.

Talelan 27:18

Vana caa pɛ tɔlɔɔ biyɔɔ, a de kɔmnde ndɔlen. Vana baalaa diikun pɛ vana ndɔ bɛndoo o sɔla bɛɛlen.

Talelan 31:15

Ɲɔɔ và vɔ mɔmìì mò cɛn, mò yaw ɲɛdiaa le yungu ndɔɔ, mò piɔw buɛyaa ndɔa laandua baalala ndalan.

Esai 50:4

Maalii Hala yɔngu ya diɛɛmule bɛnda a kaandennɔɔ len, haliko mi caa vana sanga-o yoomuan mingio o n'dial a sɔɛi nii sondoei. Idii oo idii o co nila nilan kumbio válán, haliko mi yaŋ nilan mɛɛ kaandennda yaŋ nilan o pɛɛkoo yɛ.

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Esekiɛl 34:3

Nduyɛ niaa niaa, la co nɔnɔan kolɔɔ, la co kolala toosian a yiiŋii saa lan cuɛinɔnndo, la co sálàlan solio a cɔlua macuɛiya, kɛ la co saa yɔɔ diólan te.

Matie 13:52

Mó dimul nda aa: «Lelan vana sɛvaa latɔŋ kɛ́-kɛ̀ sɔla pɛ pɛɛkoo a masale halataala len o kɔɔ, ndu vel simlacinɔ cɛi soli sɔɔn sɛnɛiyon a n'paandon o bolofaa ndɔɔ nin-ndo.»

Matie 20:8

Paalen delɔɔ, mí vana nakɔɔ dimul vana ndɔ mandaa bolofaa aa: ‹Veelu vanaa baalaa mà sala nda. A kandu pɛ a vanaa mɛɛlu lakɔ-a a kɔ mɛɛlu a vanaa tasea kɔɛ-a.›

Luke 12:43

Dɛnɛ kɛndɔɔ co le vana baala kon, o vana ndɔ bɛndoo komalnin baala kon tosaa telen o muungunin-ndo-o.

Luke 7:13

Yeesu cɔu ndu, mí ɲííye bii ndu a ndu, mó dimul ndu aa: «Caŋ te.»

Luke 7:19

mó viam nda o Maalii lo le ndu ɲunaa aa: «Vɛ̀ɛ̀ nɔm co vana naa n tuei tɔ́ɔ́ le hunɔɔ-o ni baa o bɛnda mì n cum o celen?»

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

1Timote 3:15

kɛ te i yala lakɔ le, sɛbɔɔ ho malanin nɔm pɔɔ le sinaa mɛɛ vannda bɛnda mà va kelaa o Cɛi-Hala-o nin yɛ, vanaa laalaŋaa Hala nɔ yoomoo o ba-o-a pɛɛn, nduyɛ nda co sungbulen a tiindan toɲaa ni.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

2Timote 4:2

tiiyal vannda sɔɛi Hala-e. Dimul nda ndi o telenndan kpow bɛngu, o va telen kɛndɛ, o va telen vɔɔn, soo vannda mà cɔm tɛɛmbuulan, mà luei nda yoomuan, mà biwnun, mà biwnun pɛɛkoo lɔ́ɔ́-lɔ́ɔ̀.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Hebreea 13:17

La bii diomnda simlacia niaa mì la tuisin nda o labɛngunin. Kani a nɔ niaa hɔlten coo le kona nda hun dɔawnunnin o Hala lo-o. Lelan te la tuei nda pɛ diom, a tosa baala ndaa a ɲaaloo, o ve a cɛɛŋɔn te, la sɔla mala oo mala o ken nin te.

Hebreea 13:7

La loonun ndɔ a simlacia niaa paandua, a tiiyal niaa sɔɛi Hala-e-a pɛɛn. Mì la dɔw mɛɛlula ndalan taasi, mì la tuula laalan ndaa.

Hebreea 3:5

Mí Moise ndu yɔŋnun vana lo o lediom coo-o o Cɛi-Hala-o nin kpow. Vana baalaa o va ni, ndóò bɛnda le vaa sei sɔɔn Hala va hunɔɔ dimi-on.

1Piɛr 4:10

Vana-vana tosa mì caanda sɔla malaa o ke o sɔla Hala o ba-o nin. O kon mì la siŋnun vanaa caa ɲɔɔn mandaa-a, ɲɛm Hala ke niaa-on.