Luke 12:4 - BII BILA

⁴ Mì dimul niaa, niaa caaŋaa nia, la vo vanaa dii diallon, o kon kɔɔli a nɔla lɛ ɲɛ-ɲɛ tosa le-a le.

Luke 12:4 Iomraidhean Croise

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Condii kɛndɛ-kɛndɛi 5:16

Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Esai 41:8

«Le nɔm Israɛl-lɛ, nɔm Yakɔb ya hɛli-o, nɔm polale Abraham ya kaola len.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Yeremi 41:18

le Babilɔŋaa ndóò nɔ siòònde-a kɔlan levil polon, kani Ismaɛl po Netania-o dii Kedalia po Ahikam-ndo ni, o masaa Babilɔn ndóò siinguu masa ibungaa o lɛŋnde len coo-o pɛɛn.

Esekiɛl 2:6

Nɔm Po vanacieo yɛ, yɔŋ isiòòn a nda le, siòòŋii bii nɔm le tombola nda bɛndoo le. Nɔm a vanin o yɔɔn a o siɛmbullon tɛɛn, a calnin o ngeemaa coo, kɛ siòòŋii biinin nɔm le tombola ndaa le. A ɲiiyanin le hɔlta ndalan te, kani vanaa nila kalua nda co ni.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda kiilaa 4:13

Mɛɛ vanaa kialaa n'yamaa lelɛŋnda ce Piɛr nda Nsaŋ sɔɛi válán a kɔlkɛsiaa, má sina vɛlɛ maa vanndacieea daama, aa sɔla lapɛɛku le-a nda va ni, mí kɔndɔfillo bii nda taw. O kon má bii bila maa vanaa va nda Yeesu-a latulu-a nda va ni.

Filipea 1:28

La cɛ̀l mì yaamɔɔa vueinun niaa le. Ken cɔm ni maa o ɲánndávàà nda co kɔlan lou lende ni, kɛ le niaa, cɔmndo co kon ni maa la sɔla cindaa. Nduyɛ, Hala o ba kon fulà ni.

Nsaki 2:23

Nuaa o sɛvan-ndo peelun ni aa: «Abraham laalan Hala, mí kon cɔmnun ndu coo maa dɛnɛ sandaa, má veelu ndu aa caangoo Hala.»

1Piɛr 3:14

La sɔla pɛ sangaa le dɛnɛ kɛndɛ niaa co tosaa-o, mɛɛ dɛnɛ kɛndɔɔ vanin le niaa. La nɔ siòònde a ɲɛ vanndacieea nɔ siòònde-o le, la va yoloma-yoloma le.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.