Luke 12:26 - BII BILA

²⁶ Te la bumba yɛ pɛ sɔɛi pɔmbɔɛi vaa lende, le yɛɛ niaa co yɛ niko buulanndo le ɲɛm tɔ̀un?

Luke 12:26 Iomraidhean Croise

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Vana Kɔlkaloo 7:13

Tofa vɔ ɲɛm Hala toosiaa-on. Nɛ̀ɛ́ nɔla yɛ mò siɛndi n co n tundanndon-ndo?

Matie 6:25

«Lelan ya co niaa dimullo ni maa la buulan le yoomu niaa a le ɲɛ niaa dianin-ndo le. La buulan vɛlɛ le dialun niaan a le ɲɛ niaa cuɛinunnin-ndo le. Vɛ̀ɛ̀ yoomoo hiw baloo le? Vɛ̀ɛ̀ diallon co fisa a ɲɛ cuɛinanndo le?

Luke 12:25

O niaa tɛɛn, ɔ́ɔ̀ vana cɔɔlu nin yoomu ndɔɔ bɛndi hali paale pilɛ le buulannda ndɔlan-ndo?

Luke 12:27

La tofa vɔ mɛɛ billo pum punga yondoo nin yɛ, o tosa baala le, o vomul te. Kɛ nduyɛ mì dimul niaa, hali Salomɔn a bolofaa bɛndu ndóò nɔ-o kpow, o tiiya cuɛinɔnndo maa fula bil kon o pilɛ le.

Luke 12:29

La fafala le ɲɛ niaa dianin-ndo, te kon te le o niaa kolnin-ndo le. Kɔlta niaalan la sanga le.

1Piɛr 5:7

La tuisi buulannda niaalan kpow ndu coo, kani o nɔ niaa hɔlten coo.