Luke 12:19 - BII BILA

¹⁹ O kon i dimul kɔl nuu aa: A nɔ ɲɔɔn taw n kɛsiaa le vɔsila bɔɔ-bɔɔ. Buulan te, dio mà kol, mà dɔwnun ɲaale.›

Luke 12:19 Iomraidhean Croise

SƐBƐ YƆB-O 14:1

Vanacieo, o vanalanɔɔ velu-o, palɛi ndɔɛi bendu le, palɛi kɔl tambɛiye i co vɛlɛ ni.

Condii lisai 49:18

Kani lɔ́ɔ́ o vunin-ndo, o kuenin a ɲɛ-ɲɛ o ba le, ɲɛ-sɔlaa ndɔɔ dimnin ndu nɛiyo kɔɔli ciee-piɔ́m te.

Condii lisai 62:10

Ɲaa yoomaa daama vanndacieea co ni, sɔɔn lacòòvan kínɛí n co nda o lasondo ni. Te vana heelu nda pɛ o kiloo coo, nda kpow, lusul ndaa tiiya maa lusul ihoeiyo le.

Talelan 10:2

Bolofaa lakafaa sólì vana kpeku le, kɛ dɛnɛ sandaa kanda vana a piɔ́mndo.

Talelan 14:24

Bolofaa co vɔ̀ngɔ̀la vanaa kɔlkalua ni, kɛ diɔm sondo vesɛiyo ndu, diɔmnde o koaw ni.

Talelan 18:11

Maa kobi co o kungaa a kpakio-o ɲɛ-sɔlaa vana bolofaa co ni, maa kpaki kanda vana-o o ca ndu ni.

Talelan 23:5

Ɲɛ-sɔlaa, vana del ndu dɔ́ɔ́ pɛ hɔlten o lonnun pɛ́, o vil bɔɔlan, o kɔɛnnun coocoo polon maa kovɛ.

Talelan 27:1

Sangalan le ɲɛ n tosanin siɔdii-o le, kani a sinà bɛɛ ɲɛ yɔŋnunnin hau-vo le.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Esai 22:13

Kɛ o tosa lɛnin lende le, la tofa vɔ, o yɔngunin niaa kɔlkɛndɔɔ a ɲaaloo! Vannda kialunin nawva bololan ma diw saa, a dianin vision ma kol mɔiyan. A diminin aa: «N dionnun ɲɛdiaa mì n kolnun man bɛ́lɛ́-bɛ́lɛ́, kani vuo naa n co siɔdii ni!»

Esai 5:11

Dɛnɛ palaa co le vanaa can idii púŋ mà ɲaanun mɔima nɛyaan kɔɔli-a, le vanaa lo man kan kolɔɔ háá mì ma bii nda telen paalen le del-lo-a!

Esai 5:8

«Dɛnɛ palaa co le vanaa co cɛilan kpɔɔndiaa-a, le vanaa co ciɛɔn handɔɔ o ciɛɔn coo háá ma cii fondaa hiɔlɔɔ kpow, le calle nda pilɛ o lɛŋnden nden nin-nda!

Esai 56:12

A co dimio aa: «La hun, i nuwviaa nin mɔiyan, n kolnin mɔima nɛyaa-nɛyaan, mì ma bii naa! Lende koni naa n kolnin man vɛlɛ siɔdii ni, ma co lon taw-taw, ma lo vɔ lon ma bɔɔ dɛ!

Osee 12:8

Ya Mɛlɛka dimi aa: ‹Cuavaa-imamaa Efraim-nda nɔ ɲɛla tuvaala lakafalan o laba maa yulaa Kanaan, a yeema bɔɔ kafalan.›

Amɔs 6:13

Le ɲɛm co ɲɛ-ɲɛ le-on niaa dɔawnun ɲaale ni. La co kuundianndo a dimio aa: Vɛ̀ɛ̀ o co a kpaaya naa pilaa le naa n sɔla yoomuan man te?

Habakuk 1:16

Le hee, nda co yalala ndalan sálàlan solullo, mà va ansan lomɔɔ le kayala ndala lan ni, kani lan la co nda baloo yɔngoo, mà va ɲɛdiaa sɔvɛɔ dioo ni.

Luke 12:18

O kon kɔɔli, mó dimi aa: ‹O ya co tosa-o co hoo ni: i puusiaa pɛ kondala paandulan ndan, i tangul la celen, la hiow vaa la bɔɔ lan. O kon, i dɔw malun nun a ɲɛm nun kpow lenin.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

1Korɛntea 15:32

O dimi ivanacieeyaa nin, te vanvílɛ́iya a muungu lɛnin yoomu le, ɔ́ɔ̀ tɔnɔ naa sɔla mí n simul visia yondoa, mí n cɔlɔba nda Efɛs-o? Mɛɛ vanaa pum a dìmì yɛ aa: «N dionnun mì n kolnun, kani n co hunɔɔ vu siɔdii.»

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

1Timote 5:6

Kɛ vanalanɔ pɔnɔ ndɔ vi mò va yeemɛi ndɔɛi ndu pila-e tosaa-o, maa vana vílɛ́i koni ndu co nin ni, hali o va bɛɛ yoomu.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

2Timote 3:4

Vanaa tosà yalalen-nda a vanaa tosà hɛnan ndaa-a. A vanin vanaa hɔlaa heelaa bɛndu. A kaolanin ɲaale ceendo hiovɔɔ Hala coo.

Nsaki 5:5

La vìlí ceen niaa o kɔlkɛndɔɔ a o ɲɛm kɛndɔn nin, la pímí kɔlta niaalan le paale diyaalen.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

1Samiɛl 30:16

O kon, mí langbanɔ kon kɔa a David háá nɛɛ Amalɛkea va-a. A komal nda a sɛŋiannda o tàndà kon nin kpow, a va dioo a kolɔɔ, a va kafoo tosaa a bolofaa bɛndu ndáà cua o lɛŋnde Filistia nin a o tàndá Yuda-o nin-ndo.