Luke 12:16 - BII BILA

¹⁶ Mó dimul nda taloo pum aa: «Langbanɔɔ bolofaa pilɛ ndóò nɔ tɔlɔɔlan, la va kɔmnden ɲɛkɛndɛi.

Luke 12:16 Iomraidhean Croise

SƐBƐ YƆB-O 12:6

Kɛ nduyɛ, kɔlɲuloo connun o cɛila vanaa del vannda coo-a nin. Vanaa tɛɛndan Hala-a bɛɛ a connun nila ɲulu vili, hali vanaa co Hala biyɔɔ o ba-a bɛɛ a connun a ɲulu fɛɛ.

SƐBƐ YƆB-O 24:23

O ke nda kɔlkɛsiaa a nda pila o kɔɔ, kɛ, o nɔ hɔlten o nɛila ndalan coo.

Condii lisai 73:12

Ɲɛ vanaa kɔlvesɛiya co tosaa-o co hoo ni: À co bolofaa ndaa cɔɔloo vangalaa a kɔlkɛsiaa bɛɛn-bɛɛn.

Condii lisai 73:3

Kani i va vanaa kuundiannda paŋalaa, le tùú ya va dɛnɛ kɛndɛ vanaa kɔlvesɛyaa kan cɔu-vo.

Esekiɛl 16:49

Ɲɛ yɔŋnun mí tɛɛmbuu Sodɔm pɔmbɔ nɔm laandu-o va hoo ni: ndu a cieon ndɔn, má luɛi kuundianndo, kani ɲɛdiaa va nda o ba taw, a vannun vɛlɛ icali nila ɲulu, a ve buulan le ɲɛ-ɲɛ le. A cɛl le vanaa bala fondoa a vanaa ikɔɔa malaa le.

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Matie 13:8

Mí n'pum deli o lɛŋnde kɛndɛlen, mí n koam, mí yasalan lapum la koam kullon kɛmɛ, lapum belaŋɔmpum, lapum yɛ beleyaa.

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Luke 12:17

Mɛɛ tɔlɔɔla ndɔla lan la kom lende, mó ɲunan aa: ‹Ko vɛ̀ɛ̀ ya tosa yɛ? I nɔ lɛ fonda oo fonda ya cuungiaa ɲɛm ya kow-von kpow le.›

Dɛnnda kiilaa 14:17

Kɛ nduyɛ, Hala co niaa dɛnnda kɛndɛlan tosallo lɔ́ɔ́-lɔ́ɔ̀: kani o co niaa piɔɔ tuisullo fulaa o halataala o telen bɛnda-o, o co niaa vɛlɛ baloo yɔngoo mì kɔlta niaalan la va piɔu a ɲaaloo.»