Luke 12:11 - BII BILA

¹¹ Lɔ́ɔ́ nda kɔanin a niaa o cɛila lakaanndan nin, te kon te simlacia o hɔl, te kon te vɛlɛ vanaa bɛndua o hɔl le niaa yamɛi kiolɔɔ-o, la buulan le kɔɔsɔɔ, te kon te le ɲɛ niaa diminin-ndo le,

Luke 12:11 Iomraidhean Croise

Fulaa 4:12

Nɔm kɔ ma kɔaa tuŋ. I vanin nɔm ikɛi telen n vanin sɔɛi-yo, mì cɔm nɔm ɲɛ n bɛnda le dimio-o.»

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

Matie 6:25

«Lelan ya co niaa dimullo ni maa la buulan le yoomu niaa a le ɲɛ niaa dianin-ndo le. La buulan vɛlɛ le dialun niaan a le ɲɛ niaa cuɛinunnin-ndo le. Vɛ̀ɛ̀ yoomoo hiw baloo le? Vɛ̀ɛ̀ diallon co fisa a ɲɛ cuɛinanndo le?

Matie 6:27

O niaa tɛɛn, nɛɛ nɔla yɛ mò cɔɔlu yoomu ndɔɔ bɛndi hali ɲɛ-pɔmbɔ a buulannda ndɔlan?

Matie 6:28

Le yɛɛ niaa co yɛ niko buulanndo le ɲɛ cuɛinanndo? La mɛɛndan-ndɔ mɛɛ billo hindu yondoo nin yɛ, o tosa baala le, o vomul te.

Matie 6:31

Lelan, la buulan mì la ɲunan te aa: ‹Yɛɛ naa n dia yɛnin?›, ‹Yɛɛ naa n kol-lɛnin?›, te kon te aa: ‹Yɛɛ kpeekpei naa n cuɛinun yɛnin?›.

Matie 6:34

Lelan la buulan le siɔdiio le, siɔdiio buulannin le ndu pila. Lepalaa-lepala le nɔ bahavɛi ndɔ.»

Luke 12:22

O kon kɔɔli, mí Yeesu dimul kaandeŋaa ndɔa aa: «Lelan, mì dimul niaa, la buulan le yoomu niaa, te kon te le ɲɛ niaa dianin-ndo le, la buulan vɛlɛ le dialun nian, te kon te le ɲɛ niaa cuɛinunnin-ndo le.