Luke 11:9 - BII BILA

⁹ Lelan, ya co niaa dimullo ni maa: «La piɛi, o kon a kenin niaa. La nuwviaa, o kon la saalunnin. La lɔɔ dioo, o kon a kumbilnin niaa.

Luke 11:9 Iomraidhean Croise

Condii lisai 118:5

I va o sangaa nin, mí koŋul Mɛlɛka o lani, mó mulul-la, mó ke ya pɛngio.

Condii lisai 27:4

Ɲɔɔ ndu pilɛ kpé ya co Mɛlɛka ɲunaa ni, ò ya co nuwviaa a kɔl nuu kpow-vo: ɲɛ kon co calle o ndu Mɛlɛka lo cɛinin o palɛi ya co yoomu-e kpow bɛngu ni, le naŋɔɔ ndu Mɛlɛka-o tofaa a le naŋɔɔ cɛi ndɔɔ mɛɛndanndo.

Condii lisai 27:8

I nɔ kɔllo o sɔɔn n dimi-on coo aa: «La nuwviaa hɔlaa nia.» Hɔlaa nɔmda ya co nuwviaa ho nuaa ni, Mɛlɛka!

Condii lisai 34:10

Niaa vanaa diandaa la ke Mɛlɛka bɛɛlen, kani vanaa co ndu bɛɛlen keo-va, ɲɛ-ɲɛ co nda lepɛŋ te.

Condii lisai 34:4

La n lisan Mɛlɛka naa niaa latulu. N sangalan diola ndɔlan diom pilɛ!

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii kɛndɛ-kɛndɛi 5:6

Mí kumbil vanapɔnɔ ya kaola hoo-o dioo, kɛ ndóò kɔɛnnun nin, o ve lɛ o dio le. Tuma o va sɔɛi o ya lo-o, i ve o ya pila nin te few. Mí fula nuwviaa ndu, kɛ i seelun ndu le. Mí veelu ndu, kɛ o cɛl te.

Esai 45:19

I suu o vionnɔn nin te. I suu o kolokolo yifidii nin o lɛŋnden coo le. I dimul cuavaa-imamaa Yakɔb-a le ya nuwviaa o fondo fúúo coo le. Ya Mɛlɛka, ɲɛ co toɲaa-o ya dimi ni, ɲɛ co sakpo-o ya yonda ni.»

Yeremi 29:12

La veelunin ya mì la piɛi ya, mì tuei niaa diom.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Matie 21:22

Ɲɛ-ɲɛ niaa piɛi pɛ a laalanndo, la sɔlanin ndu.»

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Matie 6:29

Kɛ nduyɛ, mì dimul niaa, hali Salomɔn a biilu bɛndu ndóò nɔ-o kpow, o tiiya cuɛinɔnndo maa fula lan o pilɛ le.

Marke 11:24

Lelan i co niaa dimul, ɲɛ-ɲɛ niaa ɲuna pɛ o piɛilen nin, la laalan maa la cii ndu sɔla, o yɔngunnin niaa.

Marke 13:37

I ya co niaa hee dimullo-e, ndi koni ya co vannda kpow dimullo ni: La va o lapɔɛyɔn nin a niaa pila le.»

Luke 11:10

Kani vana-vana piɛi pɛ, ndu sɔla. Vana nuwviaa pɛ, o saalun. Vana lɔɔ pɛ dioo, a kumbil ndu.

Nsaŋ 14:13

Ɲɛ-ɲɛ niaa ɲunanin o diola nilan, i tosanin kon, haliko mi Pua sɔla biiloo o Poo nin.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 15:7

Te la lo o ya nin pɛ, mì sɔɔn nun lo niaa o lakɔl, la piɛinin ɲɛ-ɲɛ niaa yeema, mò cɛlnun niaa.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

2Korɛntea 6:2

Kani o dimi aa: «O telen kɛndɔɔ, mí mulul nɔm, o paale cindaa len coo, mí mala nɔm.» Má cè niko telen niaa bɛnda mì la cɛl dɛnɛ kɛndɛ Hala-o o! Má cè niko paale cindaa len!

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Nsaki 5:15

Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki.

1Nsaŋ 3:22

Ɲɛ-ɲɛ naa n ɲuna ndu pɛ, n sɔla ɲɛ kon ndu o ba, kani n co tɔŋnda ndɔlan biyɔɔ, mì n va dɛnnda hɛnan ndu lan tosaa.

Dɛnnda cɔɔmuanndan 2:24

Kɛ niaa vanaa tɔ̀a kɛ́-kɛ̀ lo Tiatir lá vow n'pelu o pɛɛku kon nin te-a, maa mɛɛ nda pila dimi yɛ, niaa síná yingila dɛnnda Setana lan te-a, i co niaa dimul, i siiluu lɛnin niaa volɔɔla celen te.