Luke 11:48 - BII BILA

⁴⁸ Kon cɔm ni maa seiya niaa co ni, maa la hini kɔl a dɛnnda fuɲaa niaa mamaa tosa lan. Kani nda diw vanaa-tɛɛngaa-diom Hala-a, mì niaa niaa va sɛila ndalan cɔvɔɔ.

Luke 11:48 Iomraidhean Croise

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

SƐBƐ YƆB-O 15:6

O co ya le, sondo nɔm nɔm pilaa yaala nɔm ni. Cɔcɔn nɔmndo vɔvi nɔm ni.

Condii lisai 64:8

Kɛ Hala vuu nda a bállo, mó lɔaa nda o lepilɔɔ.

Esekiɛl 18:19

La co ɲunaa aa le yɛɛ nɛ po kon sɔla sangaa le haki fuɲa ndɔ-o le? Kani, po kon kela o sakpoyɛi a o sandei nin. O bii silala nilan kpede, mó kela lecoo, le hee, o bɛnda kpeekpei mò va yoomu.

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Matie 23:31

La co cɔmndo o kon vakpa maa poaa vanaa diw vanaa-tɛɛngaa-diom Hala-a niaa co ni.

Luke 11:47

Dɛnɛ palaa co le niaa! Kani la co sɛila vanaa-tɛɛngaa-diom Hala-a cɔvɔɔ, nda yɛ fuɲaa niaa mamaa diw nda ni.

Luke 11:49

Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.›

Rɔmnda 1:32

Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Nsaki 5:10

Puapilɛa niaa, vanaa-tɛɛngaa-diom Hala-a soo o diola Mɛlɛka lan-nda, la cua tɔɔmasele ndaa le sangaa a le biuvɔnndo.

Yosue 24:22

Mí Yosue ɲuna nda aa: «Vɛ̀ɛ̀ niaa pila le co seiya maa la hɛli Mɛlɛka le ndu baalaa tosallo le?» Má mulul ndu aa: «Oi, naa pila n co seiya ni.»