Luke 11:42 - BII BILA

⁴² Kɛ dɛnɛ palaa co le niaa Faliisia! Kani la co o-tɔ́ndɔɔ solio o tɔlɔɔlan lapum nin, maa mɛnte, ru a tɔlɔɔla nakɔla niaalan kpow, le Hala yɔngoo, kɛ la co dɛnɛ sandaa a canyɛi Hala-e cɔm te. Dɛnnda niaa bɛnda le tosaa lan la co lan ni, handɔɔ niko o dɛnnda tɔ̀lan coo.

Luke 11:42 Iomraidhean Croise

Nehemi 10:37

Maa mɛɛ o co o sɛvaa o tɔŋndo nin yɛ, n hunnin a poaa naa tasea, navaa tovaa naa tasea, a saa kóndóa naa tasea, a cuinaa toovia naa tasea o Cɛi-Hala naa nin, mì n yɔngu nda vanaa-solia-lasálàá co baalaa tosaa o Cɛi-Hala-o nin-nda.

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

Vana Kɔlkaloo 7:18

O bɛnda ma bii silala tiɔnndan ndan. Kani vana nɔ pɛ siòòŋii Hala-e, o hiw ɲɛ-ɲɛ ba le.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Malasi 2:17

«La co Mɛlɛka saangiaa a sɔɔn niaan, mì la va dimio aa: ‹Vɛ̀ɛ̀ naa n co yɛ ndu saangiaa?› Yéé la co pɛ dimio aa: ‹Vana-vana tosa pɛ dɛnɛ vɔɔndo, a vana vaa lende Mɛlɛka naŋ kɔl ni! Vanaa vaa lende kpeekpei o yeema ni›. La co vɛlɛ dimio aa: ‹Kuɛɛ Hala co kon yaman sandan kiolɔɔ-o co yɛ?›»

Malasi 3:8

Vɛ̀ɛ̀ vanaciee yoomaa nɔla pá mò hui Hala? Kani la co ya huiyo mí la va ɲunaa aa: ‹Vɛɛ nɛ naa n co yɛ nɔm huiyo?› O o-tɔ́ndɔlan nin a o ɲɛm-kéan nin. La co yɔngu mɛɛ o bɛnda yɛ le.

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 23:23

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co o-tɔ́ndɔɔ solio o tɔlɔɔwlan lapum nin maa mɛnte, anɛt a kumin, kɛ mì la va dɛnnda hiow vaa lasɔvɛ o tɔŋndo nin-ndan malɔɔ: lan la co dɛnɛ sandaa, vannda ɲííye tuinɔnndo a laalanndo ni. Dɛnnda lan niáà bɛnda le tosaa ni handɔɔ niko o dɛnnda tɔ̀lan coo.

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Luke 18:12

O lɔ́ɔ́ oo lɔ́ɔ̀ bɛngu, lediin ya bii sumndo ni. I co o-tɔ́ndɔɔ solio o ɲɛm nun kpow nin.›

Nsaŋ 5:42

Mò va maa i sina masinaa niaa le! La nɔ kaola Hala-o o kɔl te.

1Nsaŋ 4:20

Te vanndo dimi pɛ aa: «I kaola Hala», kɛ mò nɔ nɛyɔn puapilɛ ndɔɔ, mɛɛ vana lacòòvaa o co ni. Kani te vanndo kaola puapilɛ ndɔ o co cɔu-vo le, o nɔla mò kaola Hala o co cɔ loo le.

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.