Luke 11:4 - BII BILA

⁴ Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Luke 11:4 Iomraidhean Croise

O Kandɔɔ 48:16

mɛlɛkanɔ kanda ya a dɛnnda vɔɔnndan kpow-vo, i piɛi nɔm mà dɔw poambɔa ha duaa. Mì diola nilan, diola Abraham fuɲa ni mama lan, a diola Isaak fuɲa ni lan la lo ceen nda coo. Mà koma kui, mà velu cuawva taw o lɛŋnden nden nin.»

1Masaa 8:34

yaŋ nda nilan nɛɛ n co o halataala-a, mà mal nda haki, mà mingi nda o lɛŋnde n ke sindɛ fuɲaa ndaa mamaa len nin. Kani vanaa nɔmnda nda co ni.

1Masaa 8:36

mulul nda nɛɛ n co o halataala-a, ma mal vanaa nɔmaa baalaa a yungu nɔmndo haki, Israɛlla pɛɛn, mà cɔm nda nɛi nda bɛnda le kelaa coo-o. O kon kɔɔli, a tuisi piɔɔ o lɛŋnde nɔmnden coo, lɛŋnde n ke len vanaa nɔmnda kɛ́ɔ len pɛɛn.

Condii lisai 121:7

Mɛlɛka kandanin nɔm le dɛnnda vɔɔnndan kpow, o mandanin yoomu nɔmndo.

Condii lisai 25:11

Mɛlɛka, yiyan le diola nɔmndan, mà mal-la haki le tɛɛmbuu nuu, kani o vɔw bɔɔ.

Condii lisai 25:18

Tofa vɔ mɛɛ dɛnɛ palaa a sangaa co ya coo yɛ, mal-la haki le hakila nilan kpow.

Daniɛl 9:19

Maalii, yaŋnun! Maalii, mal haki. Tuei naa diom, keleŋa ɲɛ ya co nɔm ɲunaa-o tosa. Yiyan a kaola nɔmndo o kɔɔ. Kani o kobi nɔmndo ho nin a o yungu nɔmndo ho tɛɛn diola nɔmndan la co piɔlnɔnndo ni.›»

Osee 14:2

«Israɛlla, la muungu Mɛlɛka Hala niaa o ibuŋ, kani le haki niaa niaa del ni.

Matie 18:35

Mí Yeesu dimi vɛlɛ aa: «Lende koni Fuɲa ni co o halataala-o tosanin a niaa ni, te la mel puapilɛa niaa haki a kɔlta niaalan kpow le.»

Matie 26:41

La tiondu mì la piɛi, yɔŋii niaa del o tɔɔndanndo nin. La co yiyanndo le tosaa lende, kɛ dialun vílɛ́iyon co niaa.»

Luke 11:5

Mí Yeesu dimul nda vɛlɛ aa: «Te vana pilɛ o niaa tɛɛn nɔ pɛ caan ndɔ, mò kɔ kundul caan ndɔ kon dioo di-tɛɛndo, mò dimi aa: ‹Caan nuu, dɔnda ya bululan tan yáá,

Luke 13:4

N'van tɔ́ a vanaa ŋɔmaa cɛi coocoo vilɛiyo del coo Siloe, mó diw nda-a yɛ, la laalan maa nda yɔŋnun vanaa yɔŋ vɔɔnda hiovɔɔ vanaa tɔ̀a Yerusalɛm coo ni?

Luke 22:46

Mó ɲuna nda aa: «Le yɛɛ niaa co yɛ lɔan? La tiondu mì la piɛi, yɔŋii niaa del o tɔɔndanndo nin.»

Luke 8:13

N deli o powtan coo-on yɛ, mun co vanaa tuɛi sɔɛi Hala-e, má cɛl ndi a ɲaaloo-a ni, kɛ a nɔ n'puundu le, le telen bingi kínɛí nda laalan ni, kɛ te tɔɔndanndo komal nda pɛ, a mal.

Nsaŋ 17:15

I co nɔm piɛi mà faŋa nda o ceendo coo le, kɛ mà manda nda le Vana vɔɔndo.

1Korɛntea 10:13

Tɔɔndan oo tɔɔndan co niaa komallo, tɔɔndannda ivanacieeya lan daama la co ni. Kɛ vana lo o lediom coo-o Hala co ni, nduyɛ o cɛlnin mì tɔɔndanndo hiow niaa mayoomu le. Kɛ te tɔɔnndanndo komal niaa pɛ, o yɔngunin niaa fɛlɔɔ mì la tiwba ndu biuvɔnndo, o kon mì la fulan lenin.

Kolɔsea 3:13

La biwnan vellaa-velle mì la tosalan kɛndɛi. Te vanndo nɔ pɛ ɲɛ o kɔl a vanndo pilɔɔ, la malnan lahaki mɛɛ Krista mal niaa haki yɛ.

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

2Timote 4:18

Nduyɛ Mɛlɛka ciindiaanin ya o dɛnnda vɔɔnndan kpow nin, mò manda ya le luɛyɔɔ o Masale ndɔlen nin o halataala. Màá o sɔla biilu fɛɛn-fɛɛndo! Amiina!

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.